बुटवल–  प्रदेश नम्बर ५ को राजधानी सार्ने चलखेल भएको भन्दै बिहीवार कांग्रेसका केही नेताको अगुवाइमा बुटवलमा खबरदारी सभा आयोजना गरियो । पश्चिम क्षेत्रका कांग्रेसी नेताको असन्तुष्टिका बीच आयोजना गरिएको खबरदारी सभामा सर्वसाधारणको उपस्थिति भने अपेक्षाभन्दा पनि बढी रह्यो । 

दुई वर्ष अगाडि प्रदेश पाँचलाई टुक्र्याउन लागिएको भन्दै साविक लुम्बिनी अञ्चलका तत्कालीन कांग्रेस, एमाले र माओवादीका नेताहरूले सम्वोधन गरेको सभामा भन्दा कम थिएन,  बिहीबार कांग्रेसले गरेको खवरदारी सभामा सर्वसाधारणको उपस्थिति पनि । 

पश्चिम क्षेत्रका कांग्रेसका नेताहरूको असन्तुष्टीकाबीच यति धेरै कार्यकताहरू खवरदारी सभामा सहभागी हुँदा कांग्रेस नेता÷कार्यकताहरू उत्साहित देखिन्थे । 

राजमार्ग चौराहादेखि सुरू भएको ¥याली मिलनचोकसम्म एक किलोमिटर भन्दा बढी सडकमा मानिसहरू भरिएका थिए । यसले प्रदेश सरकारले पनि राजधानीको विषय छिट्टो टुङगो लगाउनुपर्ने दबाब बढेको देखिन्छ । 

कांग्रेस रूपन्देही क्षेत्रीय सभापति हरि लम्सालले जनताहरु स्वतस्फूर्त रूपमा सभामा सहभागी भएको बताए । उनले भने, ‘सोचेभन्दा राम्रो सहभागिता देखियो । यसमा हामी उत्साहित छौं ।’ उनले कम्तीमा ५० देखि ६० हजार जनता सभामा सहभागी भएको आकलन गरे । 

कार्यक्रममा सहभागी नेता÷कार्यकताहरू मध्ये ९० प्रतिशत रूपन्देहीका भएको उनले जानकारी गराए । रूपन्देहीका १६ वटै स्थानीय तहबाट कार्यकताहरू सहभागी थिए । हरेक वडामा कार्यकताहरूले गाडी रिर्जव गरेर बुटवल आएका थिए । 

कार्यक्रममा सहभागीले ‘प्रदेश ५ को राजधानी बुटवल कायम गर, वाइडवडी विमानको भ्रष्टचारीलाई कारवाही गर, निर्मला पन्तका हत्यारालाई सार्वजनिक गर’ भन्दै नाराबाजी गरेका थिए । सभा ट्राफिकचोकमा भएको थियो । जहाँ कार्यकताहरू अटन नसकेर घरको छट÷छत बाट पनि हेरेका थिए ।