काठमाडौं – फागु पूर्णिमा अर्थात् होली । काठमाडौंसहित पहाडी जिल्लामा बुधवार होलीको रौनक छ । बालबालिकादेखि बृद्धसम्म, सामान्य व्यक्तिदेखि चर्चित सेलिब्रेटीसम्म होलीमा रमाइरहेका छन् । 

कलाकारले पनि होलीलाई उमंग र उल्लासमय रुपमा मनाइरहेका छन् । रेडियो अडियो र फिल्म ‘दाल भात तरकारी’ यूनिटले संयुक्त रुपमा काठमाडौंको वानेश्वरमा गरेको होली विशेष कार्यक्रममा हाँस्य कलाकार, नायक–नायिकादेखि गायक–गायिकासम्म सहभागी भए ।

हाँस्य कलाकर हरिवंश आचार्यदेखि अभिनेता भुवन केसी, कलाकार तथा निर्माता दीपकराज गिरीसम्म कार्यक्रममा उपस्थित भए । नायिका प्रियंका कार्कीदेखि वर्षा राउत, आँचल शर्मासम्मले प्रस्तुती दिए ।

अभिनेता दीपकराज गिरी र वर्षा राउतले ‘पूर्वपश्चिम रेल’ बोलको गीतमा नृत्य गरे । दीपकले गीतमा नृत्य मात्र गरेनन्, बैशाख १३ गतेबाट पुनः प्रदर्शनमा आउन लागेको फिल्म ‘छक्कापञ्जा २’ को प्रचारप्रसार समेत गरे ।

बैशाख २० गतेबाट प्रदर्शनमा आउने फिल्म ‘दाल भात तरकारी’को टाइटल गीतमा अभिनेत्री आँचल शर्मा र अभिनेता पुष्प खड्काले नृत्य गरे । हाँस्य कलाकार हरिवंश आचार्य ‘हाम्री आमा साह्रै नै बाठी छन्’ बोलको गीतमा नृत्य गर्नुका साथै फिल्म ‘दाल भात तरकारी’को प्रमोसन गरे । 

अभिनेता भुवन केसी प्रदर्शनरत फिल्म ‘क्याप्टेन’को ‘यति यति पानी’ बोलको गीतमा नृत्य गरे । चैत १५ गतेबाट प्रदर्शनमा आउन लागेको फिल्म ‘शुभ लभ’का कलाकार हरिहर अधिकारी, अभिनेत्री सूर्या थापा, निर्देशक सन्तोषबाबु लोहनी लगायतले कार्यक्रममा पुगेर फिल्मको प्रमोसन गरे । हरिहर र सूर्याले फिल्मको टाइटल गीतमा नृत्य गरे । 

चैत २९ गतेबाट प्रदर्शनमा आउन लागेको फिल्म ‘यात्रा’ यूनिट पनि कार्यक्रममा सहभागी रह्यो । कलाकारहरू सलिनमान बानियाँ, सलोन बस्नेत, जान्वी बस्नेत, मलिका महत्त, रेआर राई, निर्माता केशव भट्टाराई स्टेजमा उपस्थित रहे । 

फिल्मका कलाकारले ‘चट्ट रुमाल क्यामालुम’ बोलको गीतमा नृत्य गरे । फिल्म ‘साँइली’का कलाकार दयाहाङ राईदेखि मेनुका प्रधानसम्म कार्यक्रममा पुगे ।

हाँस्य कलाकार राजा राजेन्द्र पोखरेल, गायिका मीना निरौला, हाँस्य कलाकार सुरेन्द्र केसी, शिवशंकर रिजाल लगायतका कलाकारको पनि प्रस्तुती रह्यो ।

फोटोमा हेर्नुस् कलाकारको होली :