काठमाडौं – सबै चिनियाँ पत्रिका र टेलिभिजन च्यानल चिनियाँ सरकारको नियन्त्रण छ । 

चीनले सक्रिय रूपमा पत्रकारहरूको भूमिका सरकारी प्रचारकमा सीमित गर्न खोजेको छ । कम्युनिस्ट शासनले खोजी पत्रकारको आवाज दबाउन उनीहरूमाथि नियन्त्रण गरिरहेको छ । 

क्यालिफोर्निया विश्वविद्यालयका यूएस–चीन इन्स्टिच्युटका क्लेटन ड्युबका अनुसार, खोजी पत्रकारितालाई देश र सरकारको सुधारमा सहायक मान्नुको साटो शी चिनफिङ सरकारले सामाजिक स्थिरताका लागि खतरा मानेको छ । 

खोजी पत्रकार जाङ वेनमिनले चीनमा अभिव्यक्ति स्वतन्त्रता सकिँदै गएको बताएका छन् । आफूलाई स्वतन्त्र र खोजी पत्रकार भन्नु खतरनाक भएको उनले बताए ।

भ्रष्ट नेताहरूविरुद्ध समाचार बनाएकोमा एक वर्ष हिरासतमा रहेका रिपोर्टर लियू हुले खोजी पत्रकार चीनमा लुप्त प्रजाति जस्तो भएको बताए । 

चिनियाँ मिडियामा अभिव्यक्ति स्वतन्त्रता जहिले पनि समस्यामा पर्ने गरेको छ । केही दिनअघि नेताहरूको यौनकाण्ड पर्दाफास इन्टरनेटमा सार्वजनिक गर्ने एक खोजी पत्रकारलाई पक्राउ गरिएको थियो ।

एजेन्सी