काठमाडौं – भारतको उत्तर प्रदेशस्थित मुजफ्फरनगर जिल्लामा विगत २४ वर्षदेखि भ्रष्छाचार र भूमाफियाविरुद्ध धर्ना दिएर लडाईं गर्ने मास्टर विजय सिंहमाथि प्रहरीले खुलामा अन्डरवीयर सुकाएको आरोपमा पक्राउ गरेको छ । 

हालै सिंहलाई मुजफ्फरनगरकी डीएम सेल्जा कुमारीले धर्नाबाट उठाइदिएकी थिइन् । 

डीएमको कारवाहीपछि सिंहले शिव चौकमा धर्ना दिन थाले । शनिवार उनीविरुद्ध धारा ५०९ अन्तर्गत प्रहरीले मुद्दा दर्ता गरेको छ । 

उक्त धारामा नारीको लज्जा भंग गरेको अपराध मानिन्छ । सिंहमाथि धर्नास्थलमा आफ्नो अन्डरवीयर सुकाएको आरोपमा सञ्जय कुमारले मुद्दा दर्ता गरेका हुन् । 

प्रहरीले कानूनी कारवाही शुरू गरेपछि सिंहले भने, ‘म पछि हट्दिनँ । संघर्ष गरिरहन्छु । मलाई फासीमा झुण्ड्याइदिए हुन्छ । अन्डरवीयर पनि मेरो हैन, मनजिक बसेको एक बेसहारा मानिसको हो ।’

आफ्नो धर्ना अन्त्य गर्ने षड्यन्त्र भएको उनको आरोप छ । 

भ्रष्टाचारविरुद्ध सबभन्दा लामो समयसम्म धर्ना दिएकोमा सिंहको नाम लिम्का बूक अफ इन्डियन रेकर्ड्समा दर्ता छ ।’

एजेन्सी