अमेरिकाका किसान जेसन लीडलले मंगलवार साँझ आएको फोन कलपछि पेट बाउँडिएको अनुभव गरे । 

‘तपाईंले दुहेको दूध अब पोख्न थाल्नुस्,’ अमेरिकाको सबभन्दा ठूलो दुग्ध उत्पादक सहकारी डेरी फार्मर्स अफ अमेरिकाका एक प्रतिनिधिले लीडललाई भने । 

कोरोनाभाइरस महाव्याधि फैलिँदै जाँदा दुग्ध उत्पादन लगायतका आधारभूत खाद्यपदार्थको राम्रो माग भए पनि दूध आपूर्ति शृंखलामा विभिन्न अवरोध आएका कारण कृषकहरूले आफ्ना उत्पादन बजारमा पुर्‍याउन पाएका छैनन् । 

रेस्टुराँ र विद्यालयहरू भटाभट बन्द भएपछि दूध होलसेल मार्केटमा नभई रिटेल ग्रोसरी स्टोरहरूमा लग्नुपर्ने भएको छ । अनि दूध बोकेर यताउता लग्ने ट्रकका चालकहरूले भाइरसको डरका कारण गाडी चलाउन मानिरहेका छैनन् ।

संसारका अन्य देशमा पनि खाद्यसेवा ठप्प रहेकाले निर्यात पनि गर्ने अवस्था छैन । 

लीडलले बजार पुर्‍याउन पाए दूध बेच्थे होलान् । ग्रोसरी स्टोरमा दुग्धपदार्थको माग उच्च छ । तर सामान जोहो गर्नेको भीडका कारण माग बढेको देखिएपनि अहिले त्यसमा कमी आएको छ । 

लीडलले ४८० वटा गाई पालेका छन् । मंगलवारदेखि उनले ती गाईको ४७ सय ग्यालन दूध पोखेका छन् । डीएफएले सहकारीमा आबद्ध अन्य किसानलाई पनि दूध पोख्न भनेको छ ।

रोयटर्सबाट