कात्तिक १८, २०८०
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
बैशाख २१, २०७८
केन्द्रदेखि प्रदेशसम्म सत्ताको जोडघटाउ जारी रहँदा सरकारले गण्डकी र सुदूरपश्चिममा प्रदेश प्रमुख फेरबदल गरेको छ ।
मन्त्रिपरिषद्को सिफारिशमा राष्ट्रपति विद्यादेवी भण्डारीले सोमवार गण्डकी प्रदेश प्रमुखबाट अमिक शेरचनलाई हटाएर सीताकुमारी पौडेल र सुदूरपश्चिममा शर्मिला त्रिपाठीलाई हटाएर गंगाप्रसाद यादवलाई नियुक्त गरेकी हुन् ।
गण्डकीका लागि नवनियुक्त प्रदेश प्रमुख सीताकुमारी पौडेल प्रधानमन्त्री केपी शर्मा ओलीकी जनसम्पर्क सल्लाहकार हुन् ।
चितवन निवासी पौडेलको जन्म भने कास्कीमै भएको हो । कास्कीको पुरञ्चौरमा उनको जन्म २०१४ सालमा भएको थियो ।
बुवाको नाम कृष्णप्रसाद पौडेल र आमाको नाम रेवती पौडेल हो । सानै उनको परिवार बसाइँ सरेर चितवन पुग्यो ।
कास्कीमा धेरै लामो समय बसिनन् । कक्षा १ सम्म मात्र पढेको उनको सम्झना छ । स्थानीय भारती भवन माविमा कक्षा १ पढेपछि परिवार २०२२ सालमा चितवन बसाइँ सरेको उनले लोकान्तरसँग बताइन् ।
पढाइअघि बढाउने क्रममा कक्षा ७ मा जब पुगेकी थिइन्, उनमा राजनीतिक चेत नजानिँदो तवरले घुस्यो । २०२७ सालमा तत्कालीन स्कुल युनियनमा आबद्ध भएसँगै राजनीतिमा उनको प्रवेश भएको हो । त्यसपछि २०३४/३५ साल ताका तत्कालीन नेकपा क्रान्तिकारी महिला अध्ययन दलमा संगठित भइन् । २०३७ सालमा अखिल नेपाल महिला संघ (अनेमसंघ) मा लागिन् ।
२०४३ सालमा तत्कालीन नेकपा मालेको जिल्ला कमिटी सदस्य तथा अनेमसंघको केन्द्रीय सदस्य बनिन् । उनी अनेमसंघमा २ पटकसम्म महासचिव र १ पटक उपाध्यक्ष भइन् । हाल अनेमसंघमा उनी केन्द्रीय संयोजकको भूमिकामा छिन् ।
रोचक कुरो के छ भने उनै पौडेल अनेमसंघमा महासचिव हुँदा हालकी राष्ट्रपति विद्यादेवी भण्डारी भर्खर केन्द्रीय सदस्य थिइन् ।
२०५५ सालमा पौडेल महासचिव हुँदा भण्डारी सदस्य रहेकी थिइन् । पछि पौडेल २०६२ मा पनि महासचिव चुनिइन् । २०६२ मा भने भण्डारी अध्यक्ष बनिन् ।
यसैगरी २०६९ सालमा अनेमसंघको पोखरामै छैटौं राष्ट्रिय सम्मेलन भयो । त्यसबेला उनी उपाध्यक्षमा स्तरोन्नति हुँदा भण्डारी अध्यक्षमा दोहोरिइन् । पौडेल अनेमसंघको आसन्न सातौं राष्ट्रिय सम्मेलन आयोजक समितिको संयोजक छिन् ।
पौडेलको राजनीतिक यात्रा पार्टीको अञ्चल कमिटी सदस्य, राष्ट्रिय परिषद् सदस्य हुँदै नेकपा एमालेको केन्द्रीय कमिटी सदस्यसम्म रहेको छ । २०५६ सालको चुनावमा चितवनमा उनलाई नेकपा एमालेले उम्मेदवार बनायो । चुनाव भने उनको पक्षमा आएन । नेपाली काँग्रेसका उम्मेदवार एकनाथ रानाभाटले उनलाई झिनो मतान्तरले हराए ।
२०६४ सालमा पहिलो संविधानसभाको चुनाव भयो । लामो समयदेखि कम्युनिस्ट पार्टीमा आवद्ध उनी समानुपातिक कोटाबाट सभासद बन्न सफल भइन् । ६४ वर्षको उमेरसम्म पनि राजनीतिमै समर्पित उनले बिहे भने गरिनन् ।
लोकान्तरसँगको कुराकानीमा उनले सरकारले आफूलाई प्रदेश प्रमुख नियुक्त गरेकोमा खुशी लागेको बताइन् । गण्डकी प्रदेशवासीको हितमा काम गर्ने प्रतिबद्धता उनको छ । आफू जुन पार्टीमा रहे पनि अब सबैको साझा बन्ने उनले बताइन् ।
गण्डकी प्रदेशमा उनी तेस्रो प्रदेश प्रमुखका रूपमा नियुक्त भएकी हुन् । हालै पदमुक्त अमिक शेरचन माओवादी कोटाका हुन् । जिम्मेवारी खोसिएपछि मंगलबार पत्रकार सम्मेलन गरी उनले पदमुक्त भएकोमा अत्यन्तै खुशी लागेको प्रतिक्रिया दिएका छन् ।
उनले भने, ‘पदमुक्त भएकोमा अत्यन्तै खुशी छु । मुरीमुरी धन्यवाद छ, राष्ट्रपतिज्यूलाई । पहिला ओलीजी र पुनः प्रचण्डजीमार्फत ओलीजीको प्रस्ताव मैले अस्वीकार गरेको पद थियो ।’
पछि पार्टीको निर्णय आएपछि अनुशासित कार्यकर्ताको नाताले बाध्य भै प्रदेश प्रमुखको पद स्वीकार गरेको उनको भनाइ छ ।
पदमुक्त भएपछि खुला जेलबाट मुक्त भएको जस्तो अनुभूति गरेको भन्दै उनले आफू विगतमा राष्ट्रपति, प्रधानमन्त्री पदको प्रस्ताव ठाडै इन्कार गरेको व्यक्ति भएको दाबी समेत गरे ।
विभिन्न संघर्षहरूमा कुनै पनि प्रकारको षड्यन्त्र र गद्दारी नरेको भन्दै कमिसन र भ्रष्टाचारमा आफू नडुबेको दाबी पनि उनले गरे ।
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...