मंसिर ७, २०८०
'राष्ट्र, राष्ट्रियता, धर्म-संस्कृति र नागरिक बचाऊ' अभियानका नाममा मेडिकल व्यवसायी दुर्गा प्रसाईंले आयोजना गरेको प्रदर्शनका क्रममा बल्खुमा तनाव उत्पन्न भयो । दुर्गा प्रसाईं, राप्रपा सांसद ज्ञानबहादुर शाहील...
जेठ ५, २०७८
सशस्त्र प्रहरी अस्पताल सतुंगलका डाक्टर सशस्त्र प्रहरी नायब उपरीक्षक (डीएसपी) रोशनकुमार झा कोरोनाका बिरामीको अवस्था बुझ्न बेडतर्फ जाँदै थिए ।
डा. झालाई देखेर रामेछापकी शान्ता (नाम परिर्वतन) उनी नजिक आइन् । उनले आफ्नो छोरालाई जसरी भएपनि बचाइदिन आग्रह गरिन् ।
‘मेरो कोख बचाइदिनुस्, डाक्टर सा’ब,’ ती आमाको अनुनय सुनेपछि डा. झाले सान्त्वना दिए, ‘केही हुँदैन, त्यस्तो अवस्थाबाट त फर्काएका छौं, निको हुन्छ, आत्तिनु पर्दैन,’ उनलाई हौसला दिँदै सम्झाए ।
उनले बारम्बार दोहोर्याइरहिन्, ‘मेरो कोख बचाइदिनुस् डाक्टरसा’ब !’
आफ्नो छोराले खाना पनि नखाएको कुरा उनले सुनाइन् ।
‘छोराले केही खान मान्दैन । हजुरले अलि सम्झाइदिनुपर्यो,’ शान्ताले आग्रह गरिन् ।
डा. झा उनको छोरा भएको ठाउँमा गए । १९ वर्षका छोरा रोहित (नाम परिवर्तन) बोल्न सक्दैनथे । डाक्टरलाई देखेपछि मुसुक्क हाँसे ।
आमासँग कापी र कलम मागे । ‘म कहिले कोरोनाको खोप लगाउन सक्छु ?’ लेखेर प्रश्न सोधे ।
लिखित प्रश्नको जवाफमा डा. झाले बोलेरै भने, ‘आफ्टर ३ विक्स (अबको तीन हप्तापछि) लगाउन मिल्छ ।’
त्यसपछि उनले डाक्टरलाई कानैमा केही भन्न खोजे, तर सकेनन् ।
शायद उनलाई डाक्टरसँग धेरै सोध्न मन थियो तर घाँटीबाट पाइप लगाएर खाना खुवाएका कारण उनी बोल्न सकेका थिएनन् ।
डाक्टर झाले लोकान्तरसँग भने, ‘उहाँलाई नाक र घाँटीबाट पाइपको माध्यमले खाना दिइएको थियो, त्यसैले बोल्न सक्नुहुन्न ।’
रोहितले आमातिर पुलुक्क हेरे । आमाले उनको हेराइबाटै कुरा बुझेर कामी र कलम दिइन् ।
उनले अर्को प्रश्न कापीमा लेखे, ‘मलाई मासु मन पर्दैन । स्टामिना बढाउनका लागि मैले के खाने ?’
‘तपाईं भेजिटेरियन भए पनिर खानुस् । फलफूल खानुस् । फ्रेस जुस खानुस्,’ डा. झाले बोलेरै जावाफ दिए ।
थोरै मुस्कुराएर रोहितले ‘हवस्’ भन्ने संकेत गरे ।
रोहितकी आमाले मासु खाँदैन, अरू त खुवाएकी छु डाक्टर सा’ब भनिन् ।
डा. झाले नआत्तिन आग्रह गर्दै केहीबेर सम्झाए । शायद त्यसपछि उनको मन शान्त भयो । उनी छोरालाई सुम्सुम्याउँदै बसिन् ।
उनले २०७२ सालको विनाशकारी भूकम्पमा छोरी गुमाएकी रहिछन् । कोरोनाले छोरोलाई केही हुन्छ कि भन्ने चिन्ता उनलाई छ ।
आमाको मन न हो, छोराछोरीलाई सानो चोट लाग्दा त सहन गाह्रो हुन्छ ।
१५ दिन अगाडि सशस्त्र प्रहरी अस्पताल आएकी शान्ता रोहितलाई २ चोटी आईसीयू भेन्टीलेटरमा राख्नु परेकाले धेरै डराएकी रहिछन् ।
‘२/२ चोटी आईसीयूमा राखेर ल्याएको सन्तानको नाममा यही एउटा छोरा छ,’ लोकान्तरसँग शान्ताले भनिन्, ‘आश मरेको थियो, डाक्टरसा'बहरूले बचाइदिनुभयो ।’
कोरोना संक्रमणका कारण फोक्सोमा धेरै क्षति पुगेकाले रोहितलाई पछिल्लो समयमा मात्रै २ पटक भेन्टीलेटरमा राखेर उपचार गर्नुपरेको डा. झाले लोकान्तरलाई बताए ।
उनी अहिले कोरोना संक्रमणमुक्त भइसकेका छन्, तर कोरोनाले फोक्सोमा पुर्याएको क्षति रिकभर हुन समय लाग्ने अवस्था छ ।
उनलाई डिस्चार्ज गर्न अझै केही दिन लाग्ने डा. झाले बताए ।
हेर्नुहोस्, भिडियो :
'राष्ट्र, राष्ट्रियता, धर्म-संस्कृति र नागरिक बचाऊ' अभियानका नाममा मेडिकल व्यवसायी दुर्गा प्रसाईंले आयोजना गरेको प्रदर्शनका क्रममा बल्खुमा तनाव उत्पन्न भयो । दुर्गा प्रसाईं, राप्रपा सांसद ज्ञानबहादुर शाहील...
चक्रपथको दोस्रो खण्ड (कलंकी–महाराजगञ्ज धोबीखोला सडक) स्तरोन्नतिका लागि भनेर सडक भत्काउन थालेको करिब ५ वर्ष बित्यो, तर पनि मुख्य काम अझै शुरू हुन सकेको छैन । भत्किएको सडकका कारण स्थानीय र यात्रुले ...
साउन २ गते समातिएको ६० किलो सुन तस्करीको अनुसन्धानका क्रममा भन्सारका कर्मचारीहरू पक्राउ पर्न थालेपछि उनीहरू आन्दोलित भएका हुन् । सामुहिक सरुवा माग गरेका कर्मचारीले सरुवा नभएपछि आइतवारदेखि आन्दोलन श...
हरिबोधनी एकादशीको अवसरमा काठमाडौंको बूढानिलकण्ठ मन्दिरमा सप्ताह ज्ञान महायज्ञ भइरहेको छ । बूढानिलकण्ठ नारायण मन्दिर व्यवस्थापन समितिको आयोजनामा बिहीवारदेखि उक्त सप्ताह महायज्ञ शुरू भएको हो । ...
खोला किनारमा निर्माण भएका सडकले काठमाडौं उपत्यकाको सवारी आवागमनलाई केही हदसम्म भए पनि सहज बनाएको छ । काठमाडौंको बागमती, विष्णुमती, मनोहरा, धोबीखोला, नख्खु खोला, टुकुचा, हनुमन्ते, रुद्रमतीलगायत...
ललितपुरको उत्तर–पश्चिम क्षेत्रमा पर्ने छम्पी क्षेत्र यतिबेला निकै हरियाली, शान्त र मनमोहक देखिन्छ । काठमाडौं उपत्यकामा खेतीयोग्य जमिन पाउन मुस्किल भइरहेको बेला छम्पी क्षेत्रका स्थानीयले भने नगदेब...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...