जनकपुरधाम, २५ जेठ – २०५४ सालमा सम्पन्न भएको स्थानीय निकायको निर्वाचनमा धनुषामा नेकपा एमाले, नेपाली कांग्रेस र राष्ट्रिय प्रजातन्त्र पार्टी गरि मुख्यतः तीन राजनीतिक शक्तिबीच प्रतिस्पर्धा भएको थियो ।
धनुषा १७ वटा इलाकामा विभाजन भएको थियो । जसअन्तर्गत एक सय एक गाविस र जनकपुर नगरपालिका मात्रै थिए ।

२०५४ सालमा सम्पन्न एक सय एक गाविस र एक नगरपालिका गरेर कुल एक सय दुई ठाउँमा भएको निर्वाचनमा नेकपा एमालेले गाविस अध्यक्ष पदमा ३९ स्थान, उपाध्यक्षमा ४३ स्थानमा जित हासिल गरेको थियो ।
वडाअध्यक्षमा ३ सय ५९ स्थान, वडा सदस्यमा १ हजार १ सय ३२ स्थान, महिला सदस्यमा ३ सय ८८ स्थान गरी कुल १ हजार ९ सय ६१ स्थानमा विजय भएर एमालेले आफ्नो प्रभुत्व कायम गरेको थियो ।

नेपाली कांग्रेसले गाविस अध्यक्ष पदमा ३८ स्थान, उपाध्यक्षमा ४१ स्थान, वडाअध्यक्षमा ३ सय ५० स्थान, वडा सदस्यमा एक हजार २० स्थान, महिला सदस्यमा ३ सय २७ स्थान गरी कुल १ हजार ७ सय ७६ स्थानमा विजय हासिल गरी दोस्रो स्थान हासिल गर्न सफल भएको थियो ।

त्यसैगरि राष्ट्रिय प्रजातन्त्र पार्टीले गाविस अध्यक्ष पदमा १५ स्थान, उपाध्यक्षमा १६ स्थान, वडाअध्यक्षमा १ सय २८ स्थान, वडा सदस्यमा ४ सय २९ स्थान, महिला सदस्यमा १ सय ३२ स्थान गरी कुल ७ सय २० स्थानमा विजय हासिल गरी धनुषामा तेस्रो स्थान प्राप्त गरेको थियो ।

त्यसैगरी स्वतन्त्रबाट गाविस अध्यक्ष पदमा ९ स्थान, उपाध्यक्षमा २ स्थान, वडाअध्यक्षमा ७४ स्थान, वडा सदस्यमा १ सय ६६ स्थान, महिला सदस्यमा ६४ स्थान गरी कुल ३ सय १५ स्थानमा विजय हासिल गरी धनुषामा चौथो स्थान प्राप्त गरेको थियो ।

त्यसैगरी नेपाल सद्भावना पार्टीले वडाअध्यक्षमा ८ स्थान, वडा सदस्यमा १५ स्थान, महिला सदस्यमा ५ स्थान गरी कुल २८ स्थानमा विजय हासिल गरी धनुषामा पाँचौ स्थान प्राप्त गरेको थियो ।

संयुक्त जनमोर्चा नेपालले गाविस अध्यक्ष पदमा १ स्थान, वडाअध्यक्षमा ६ स्थान, वडा सदस्यमा १३ स्थान, महिला सदस्यमा ७ स्थान गरी कुल २७ स्थानमा विजय हासिल गरी धनुषामा छैठौं स्थान प्राप्त गरेको थियो ।

जिविस धनुषामा पनि एमालेकै बर्चस्व

जिल्ला विकास समिति धनुषाको निर्वाचनमा नेकपा एमालेले नै आफ्नो बर्चस्व जमाएको थियो । सभापति, उपसभापति र १७ इलाकाहरु मध्ये १० वटा इलाकाहरुमा इलाका सदस्य पदमा एमाले निर्वाचित भएको थियो । दोस्रो स्थानमा नेपाली कांग्रेसले चित्त बुझाउनु परेको थियो ।

नेपाली कांग्रेसको गढ भनेर चिनिने धनुषामा कांग्रेस जवर्जस्त तरिकाले चुनावमा परास्त भएको थियो । नेपाली कांग्रेसले १७ इलाकाहरु मध्ये ५ वटा इलाकामा मात्र जित हात पार्न सकेको थियो ।

पञ्चायत व्यवस्थामा शेरेधनुषाको उपाधि पाएका हेमबहादुर मल्लको पार्टी राप्रपाले कुनै पनि पदमा जित हात पार्न सकेन । बरु स्वतन्त्र उम्मेदवारहरुले दुई वटा इलाकामा जित हात पारे ।

मत प्रतिशतको आधारमा जिविसमा नेकपा एमालेले ६३.१५ प्रतिशत, नेपाली कांग्रेसले २६.३१ प्रतिशत र स्वतन्त्रले १०.५२ प्रतिशत मत प्राप्त गरेका थिए ।


जिल्ला विकास समिति धनुषाको सभापति पदमा ४ हजार ८७ मत खसेको थियो । जसमध्ये एमालेले सभापतिमा ४६.८५ प्रतिशत, नेपाली कांग्रेसले ३८.८३ प्रतिशत र राप्रपाले १०.६१ प्रतिशत मत प्राप्त गरेको थियो ।

उपसभापति पदमा कुल ४ हजार ७ सय ८७ मत खसेकोमा नेकपा एमालेले ५०.४२ प्रतिशत, नेपाली कांग्रेसले ४४.१४ प्रतिशत र स्वतन्त्र उम्मेदवारहरुले ०.०४ प्रतिशत मत प्राप्त गरेको थियो ।

इलाका सदस्यहरुमा कुल ४ हजार ७ सय ८७ मत खसेकोमा नेकपा एमालेले र नेपाली कांग्रेसले बराबरी ४०.३३ प्रतिशत, राप्रपाले ६.७८ प्रतिशत र स्वतन्त्रले ८.७५ प्रतिशत मत प्राप्त गरेको थियो ।

कुल तीन लाख ५६ हजार १ सय ४० मतदाता थिए । जिल्ला विकास समितिको निर्वाचनमा एमालेका रामचरित्र साह सभापतिमा निर्वाचित भएका थिए । साहले २ हजार २ सय ४३ मत प्राप्त गरेका थिए ।

नेपाली कांग्रेसका तर्फबाट शिवधारी यादवले १ हजार ८ सय ५९ र राप्रपाका मनोज प्रताप मल्लले ५ सय ८ मत मात्र ल्याई पराजित भएका थिए ।

त्यसैगरी उपसभापतिमा एमालेका चन्द्रदेव राउत कुर्मी २ हजार ४ सय १४ मत प्राप्त गरी निर्वाचित भएका थिए भने नेपाली कांग्रेसका चन्दर साह २ हजार १ सय १३ मत ल्याई पराजित भएका थिए ।

इलाका नम्बर एकमा नेपाली कांग्रेसका मोहन यादवले १ सय ७७ मत ल्याई इलाका सदस्यमा निर्वाचित भएका थिए भने एमालेका रामचन्द्र दास १ सय ६७ मत ल्याई पराजित भएका थिए ।

त्यसैगरी इलाका नम्बर दुईमा एमालेका बद्रिमाझी यादव २ सय ३ मत ल्याई इलाका सदस्यमा निर्वाचित भएका थिए भने नेपाली कांग्रेसका रामअशिष रोहिता १ सय ५५ मत ल्याई पराजित भएका थिए ।

इलाका नं. ३ मा स्वातन्त्र उम्मेदवार जय प्रकाश सुनरैत २ सय ७ मत ल्याई निर्वाचित भएका थिए भने नेपाली कांग्रेसका शत्रुधन यादव १ सय ३४ मत ल्याई पराजित भएका थिए ।

इलाका नं. ४ मा एमालेका रमेश झा १ सय ३४ मत ल्याई इलाका सदस्यमा निर्वाचित भएका थिए भने नेपाली कांग्रेसका योगेन्द्र प्रसाद ठाकुर ९७ मत ल्याई पराजित भएका थिए ।

त्यसैगरी इलाका नं. ५ मा एमालेका राजकुमार मण्डल १ सय ५० मत ल्याई निर्वाचित भएका थिए भने नेपाली कांग्रेसका विजय साह १ सय ८ मत ल्याई पराजित भएका थिए ।

इलाका नं. ६ मा एमालेका कमलदेव साह १ सय ४६ मत ल्याई निर्वाचित भएका थिए भने नेपाली कांग्रेसका रामलखन यादव १ सय ४ मत ल्याई पराजित भएका थिए ।

इलाका नं. ७ मा एमालेका बलराम प्रसाद सुवेदीले ९९ मत ल्याई निर्वाचित भएका थिए भने नेपाली कांग्रेसका टिका बहादुर ल्याहो मगर ८४ मत ल्याई पराजित भएका थिए ।

त्यसैगरी इलाका नं. ८ मा नेपाली कांग्रेसका विमल गौतम १ सय २५ मत ल्याई निर्वाचित भएका थिए भने राप्रपाका दिगम्बर सिंह राउत १ सय मत ल्याई पराजित भएका थिए ।

इलाका नं. ९ मा एमालेका नन्नुकिशोर यादव २ सय २३ मत ल्याई निर्वाचित भएका थिए भने नेपाली कांग्रेसका मक्सुदन यादवले १ सय ३५ मत ल्याई पराजित भएका थिए ।

इलाका नं. १० मा एमालेका विजय कुमार यादव १ सय ६८ मत ल्याई निर्वाचित भएका थिए भने नेपाली कांग्रेसका मिथिला प्रसाद ठाकुर ६५ मत ल्याई पराजित भएका थिए ।

इलाका नं. ११ मा नेपाली कांग्रेसका सिताशरण यादव १ सय ६ मत ल्याई निर्वाचित भएका थिए भने नेकपा एमालेका रामविलाश मण्डल ४७ मत ल्याई पराजित भएका थिए ।

इलाका नं. १२ मा स्वतन्त्र उम्मेदवार श्याम किशोर यादव ८६ मत ल्याई निर्वाचित भएका थिए भने राप्रपाका रिझन साहु ४३ मत ल्याई पराजित भएका थिए ।

इलाका नं. १३ मा एमालेका राजकुमार प्रसाद गुप्ता ८२ मत ल्याई निर्वाचित भएका थिए भने नेपाली कांग्रेसका शंकर कुमार झा ७१ मत ल्याई पराजित भएका थिए ।

इलाका नं. १४ मा एमालेका रामप्रवोध राउत ७९ मत ल्याई निर्वाचित भएका थिए भने नेपाली कांग्रेसका शत्रुधन पाण्डे ७३ मत ल्याई पराजित भएका थिए ।

इलाका नं. १५ मा नेपाली कांग्रेसका कुमर कान्त झा १ सय ७८ मत ल्याई निर्वाचित भएका थिए भने नेकपा एमालेका रघुनाथ यादव ७१ मत ल्याई पराजित भएका थिए ।

इलाका नं. १६ मा नेपाली कांग्रेसका रामनरेश महतो १ सय ४५ मत ल्याई निर्वाचित भएका थिए भने नेकपा एमालेका पल्टु पंडित १ सय ३१ मत ल्याई पराजित भएका थिए ।

त्यसैगरी इलाका नं. १७ मा एमालेका शत्रुधन महतो १ सय ३७ मत ल्याई निर्वाचित भएका थिए भने नेपाली कांग्रेसका राजकुमार महतो १ सय ३४ मत ल्याई पराजित भएका थिए ।

---

---