सर्वोच्च अदालतको न्यायाधीशमा ६ जनाको नाम सिफारिश भएको छ ।

​न्यायपरिषद्को मंगलवार बसेको बैठकले रिक्त न्यायाधीश पदमा नियुक्तिका लागि महेश शर्मा पौड्याल, सारङ्गा सुवेदी, टेकप्रसाद ढुंगाना, अब्दुल अजिज मुसलमान, सुनिल पोखरेल र बालकृष्ण ढकाललाई सिफारिश गरेको न्याय परिषद्का सदस्य रामप्रसाद श्रेष्ठले लोकान्तरसँग बताए ।

पौड्याल, सुवेदी, ढुंगाना र मुसलमान उच्च अदालतका न्यायाधीश हुन् भने वरिष्ठ अधिवक्ता समेत रहेका पोखरेल र ढकाल कानून व्यवसायीतर्फबाट समेटिएका हुन् ।

सर्वोच्चमा प्रधानन्यायाधीशसहित २१ जनाको दरबन्दी रहेकोमा हाल १४ जना मात्र कार्यरत छन् । ७ न्यायाधीश रिक्त रहेकोमा ६ जनाको नाम सिफारिश गरिएको हो ।

संसदीय सुनुवाई विशेष समितिले अनुमोदन गरेपछि मात्र उनीहरूको नियुक्ति हुनेछ ।