अन्तर्राष्ट्रिय मुद्रा कोष(आईएमएफ)की उपप्रबन्धक गिता गोपीनाथले एसिया विकासको सम्भावनायुक्त क्षेत्र बन्दै गएको बताएकी छन् ।

चीनको बोआओ शहरमा यही मार्च २६ देखि २९ सम्म चलेको बोआओ फोरममा बोल्दै गोपीनाथले सन् २०२३ मा एसियाको आर्थिक वृद्धिदर ४ दशमलव ७ प्रतिशत हुने अनुमान गरिएकोमा २०२४ मा ४ दशमलव ५ प्रतिशत हुने अनुमान गरिएको बताइन् ।

'एसिया विकासको लागि उज्यालो स्थान बन्दै गइरहेको छ,' बोआओलाई सम्बोधन गर्दै उनले भनिन्, 'हाम्रो पछिल्लो आर्थिक दृष्टिकोणमा हामीले २०२३ मा यस क्षेत्रका लागि ४ दशमलव ७ प्रतिशत वृद्धि हुने अनुमान गरेका थियौं । सन् २०२४ मा ४ दशमलव ५ प्रतिशतको अनुमान गरेका छौं ।'

उनले सन् २०२४ मा विश्वव्यापी आर्थिक वृद्धि ३ दशमलव १ प्रतिशत पुग्ने आशा गरेको बताइन् । 'रोजगारीका बढिरहेको छ, बजार माथि उठेको छ, मुद्रास्फीति घटेको छ,' उनले भनिन् ।

कतिपय देशका केन्द्रीय बैंकहरूले आफ्नो लक्ष्य प्राप्ति गर्ने अपेक्षा गरिरहेको उनले बताइन् ।

'एसियामा अझ छिटो गरी विकासको गति बढिरहेको छ, जहाँ अधिकांश देशहरूले यस वर्ष केन्द्रीय बैंकले तय गरेका लक्ष्यहरू भेट्ने अपेक्षा गरेका छन्,' उनले भनिन् ।