प्रधानमन्त्री पुष्पकमल दाहाल ‘प्रचण्ड’को युवा तथा सामाजिक विकास विज्ञमा विश्वदीप पाण्डे नियुक्त भएका छन् । 

वैशाख ६ गते बसेको मन्त्रिपरिषद् बैठकले पाण्डेलाई सामाजिक विकास विज्ञ नियुक्त गरेको प्रधानमन्त्री प्रचण्डका प्रेस सल्लाहकार गोविन्द आचार्यले लोकान्तरलाई जानकारी दिए । 

पाण्डेले प्रधानमन्त्री कार्यालयमातहत रहेर काम गर्नेछन् । उनलाई विशिष्ट श्रेणी (नेपाल सरकारको सचिव सरह)को विज्ञमा नियुक्त गरिएको प्रधानमन्त्री कार्यालय स्रोतले लोकान्तरलाई जानकारी दियो ।

पाण्डे २०६८ सालमा प्रधानमन्त्री डा. बाबुराम भट्टराईको स्वकीय सचिव बनेका थिए । 

अर्घाखाँचीमा जन्मेका पाण्डे सशस्त्र जनयुद्धको समयदेखि नै सक्रिय राजनीति गरेका युवा नेता हुन् ।