​सरकारले अर्थ मन्त्रालयको सचिवमा मधु मरासिनीलाई ल्याउने निर्णय गरेको छ ।​​

नेशनल पेमेन्ट गेटवे प्रकरणमा विशेष अदालतबाट सफाइ पाएका सचिव मरासिनी अर्थ सचिव बन्ने भएका हुन् । 

सोमवार बसेको मन्त्रिपरिषद बैठकले उनलाई अर्थमा ल्याउने निर्णय गरेको सरकारकी प्रवक्तासमेत रहेकी सञ्चार तथा सूचना प्रविधिमन्त्री रेखा शर्माले जानकारी दिइन् ।

उनी यसअघि पनि अर्थमै सचिव थिए ।

पेमेन्ट गेटवेसम्बन्धी सफ्टवेयर खरिदमा अख्तियार दुरुपयोग अनुसन्धान आयोगले मरासिनीसहित ९ जनाविरुद्ध करिब सवा २३ करोडको भ्रष्टाचार मुद्दा दायर गरेको थियो ।

त्यसपछि उनी निलम्बनमा परेका थिए ।

शुक्रवार विशेष अदालतका अध्यक्ष टेकनारायण कुँवर र सदस्य मुरारीबाबु श्रेष्ठको इजलासले सचिव मरासिनीसहित ८ जनालाई सफाइ दिएको थियो ।