रुपन्देहीमा डढेलो निभाउन गएको एउटा दमकल नै जलेर ध्वस्त भएको छ ।

तिलोत्तमा नगरपालिकाको लु १ ग ३४९ नम्बरको दमकल बुधवार दिउँसो गणेशनगरको डढेलो निभाउन जाँदा डढेर ध्वस्त भएको हो ।

तिलोत्तमा–८ गणेशनगरको जंगलमा डढेलो निभाउन गएको दमकलमा हावासँगै एक्कासि आगलागी भएको थियो ।

दमकलको इन्जिनसहितको भाग पूर्णरूपमा जलेको छ ।

घटनामा मानवीय क्षति भने नभएको प्रहरी चौकी मंगलापुरले जनाएको छ ।