मंसिर ४, २०८०
नेपाल कम्युनिस्ट पार्टी (माओवादी केन्द्र) सँग एकता गर्न नेपाल समाजवादी पार्टीका अध्यक्ष डा. बाबुराम भट्टराईलाई पार्टीभित्रबाट नेताहरूले दबाब दिन थालेका छन् । पार्टीका अर्का अध्य...
किरणसिंह बोगटीलाई म्याराथन दौडबारे जानकारी नै थिएन । उनी मार्सल आर्टस्को कुनै एक खेल सिक्न चाहन्थे । ०६१ भदौमा एपिएफमा भर्ती भएका बोगटीले उसु र बक्सिङ सिक्न पनि थाले । यी दुई खेलमा उनले राष्ट्रिय स्तरसम्मका प्रतियोगिता खेलेका छन् । तर, उनलाई सफलता अर्कै खेलमा मिल्नु थियो । तीन वर्षअघि म्याराथन दौडन थालेका उनले १३औँ दक्षिण एसियाली खेलकुद (साग)मा नेपाललाई स्वर्णपदक दिलाएका छन्, त्यो पनि एथलेटिक्समा बलियो मानिने भारत, श्रीलंकालगायत राष्ट्रका खेलाडीलाई पछि पारेर ।
उनले जितेको स्वर्ण नेपाली खेलकुदका लागि सागको म्याराथनतर्फ २४ वर्षपछिको पदक हो । उनी सागको म्याराथनमा नेपाललाई स्वर्ण दिलाउने तेस्रो खेलाडी बनेका छन् । उनीभन्दा अघि वैकुण्ठ मानन्धरले नेपाललाई सागको पहिलोदेखि तेस्रो संस्करणसम्म लगातार तीन स्वर्ण दिलाए । सन् १९९५ मा भारतको मद्रासमा भएको सातौँ साफमा टीका बोगटीले म्याराथनतर्फ स्वर्ण जितेका थिए ।
त्यसपछि नेपालले साग खेलकुदको म्याराथनमा स्वर्ण जितेको यो नै पहिलो अवसर हो । सन् २०१० मा बंगलादेशको ढाकामा भएको ११औँ सागमा राजेन्द्र भण्डारीले स्वर्ण जिते पनि आवश्यक दूरी नभएको भन्दै आयोजकले रोड रेसको नाम दिएको छ । किरणले स्वर्णका लागि दुई घन्टा २१ मिनेट १७ सेकेन्डमा निर्धारित दूरी पूरा गरेका थिए । त्रिपुरेश्वरस्थित दशरथ रंगशालाबाट सुरु भई कलंकी, सातदोबाटो, सूर्यविनायक भक्तपुर, बानेश्वर, भद्रकाली, लैनचौर, नागपोखरी, घन्टाघर, फेरि भद्रकाली हुँदै रंगशाला पुगेर टुंग्गिएको म्याराथनमा बोगटीले सुरुदेखि फिनिसिङ लाइनसम्म अग्रता कायम राखेका थिए ।
आफ्नो देशका लागि महत्वपूर्ण पदक दिलाएपछि उनी निकै हर्षित देखिए । ‘हाम्रा लागि योभन्दा ठूलो खुसी अरू के हुन्छ र ?’ मन्द मुस्कानसहित बोगटीले भने । बोगटी नेपाली एथलेटिक्समै चिनिएका धावक होइनन् । आठौँ राष्ट्रिय खेलकुद प्रतियोगितामा समेत उनी तेस्रो भएका थिए । आठौँ राष्ट्रिय खेलकुदमा पहिलो भएका कृष्ण बस्नेत र दोस्रो भएका दुर्गाबहादुर बुढा दुवैले १३औँ साग खेल्न पाएनन् ।
बन्द प्रशिक्षणमै रहेका वेला कृष्णको आमाको निधन भयो । भारतीय सेनामा कार्यरत दुर्गा आफ्नो जागिरमा फर्किए । कृष्णले खेल्न नपाउने भएपछि अवसर पाएका आर्मी क्लबकै सोमलाल श्रेष्ठले पनि म्याराथन दौडिए, तर उनी चौथो भए । ‘म नेपाली म्याराथनमा जुनियर खेलाडीभन्दा पनि नयाँ हुँ,’ किरण भन्छन्, ‘तर, मिहिनेत गर्दा हुँदो रहेछ ।’ किरण आफ्नो क्लबभित्र आयोजना हुने आइजिपी कपमार्फत एथलेटिक्स खेलमा छिरेका हुन् ।
‘अन्य खेलाडी नभएपछि पहिलोपटक पोखराबाट २०७१ मा आइजिपी कप खेल्न आएको थिएँ । एथलेटिक्समा त्यो नै मेरो पहिलो प्रतिस्पर्धा थियो,’ खेल यात्राबारे उनले भने, ‘०७२ मा पाँच किलोमिटर, ०७३ मा १० हजार मिटर पनि दौडिएँ, यी सबैमा प्रथम भएँ । त्यसपछि एपिएफले मलाई क्लबमा तानेको हो । काठमाडौं आउनुअघि मैले पोखरामै म्याराथन पनि दौडिएँ । त्यसपछि भने यो खेलमा मेरो लगाव बढ्यो ।’ उमेरले ३४ वर्ष पुगिसकेका उनी अझै केही वर्ष म्याराथनमै मिहिनेत गर्न चाहन्छन् । उनी भन्छन्, ‘उमेरले अब धेरै साथ नदेला तर ४० वर्ष पुग्ने वेलासम्म यसमै मिहिनेत गर्नेछु ।’ नयाँ पत्रिकामा खबर छ ।
नेपाल कम्युनिस्ट पार्टी (माओवादी केन्द्र) सँग एकता गर्न नेपाल समाजवादी पार्टीका अध्यक्ष डा. बाबुराम भट्टराईलाई पार्टीभित्रबाट नेताहरूले दबाब दिन थालेका छन् । पार्टीका अर्का अध्य...
कास्की प्रहरीले राष्ट्रिय स्वतन्त्र पार्टी (रास्वपा) सभापति रवि लामिछानेसहित थप १८ जनाविरुद्ध अनुसन्धान सुरु गरेको छ । पोखराको सूर्यदर्शन बचत तथा ऋण सहकारी ठगी प्रकरणमा ...
बुटवल, १५ फागुन- भैरहवास्थित गौतम बुद्ध अन्तर्राष्ट्रिय विमानस्थलमा ३५ जना चिनियाँसहित २ सय मजदुर काम गरिरहेका छन् । केही निर्माण उपकरण र मेसिनरी यन्त्र थपिएका छन् । द्रुतगतिमा कच्चा पदार्थ संकलन भएको छ । च...
सवारीसाधन सुविधा प्राप्त गर्ने कर्मचारीलाई इन्धनबापत नगद उपलब्ध गराउन सरकारले निर्देशिका जारी गरेको छ । सुशासन (व्यवस्थापन तथा सञ्चालन) ऐन, २०६४ को दफा ४५ ले दिएको अधिकार प्रयोग ...
त्रिभुवन अन्तर्राष्ट्रिय विमानस्थलका प्रहरी प्रमुख प्रहरी नायब महानिरीक्षक (डिआइजी) अर्जुन चन्दले राजीनामा दिएको चर्चा झन्डै एक साता चल्यो तर प्रहरी प्रधान कार्यालयले चन्दको राजीनामा नभई सोमबार १० दिनको बिदा स्वीकृत ग...
अस्पतालले मृत घोषणा गरी १५ घण्टासम्म शवगृहमा राखेर अन्तिम दाहसंस्कारका लागि घाट लैजान लागेका एक व्यक्ति जिवितै रहेको पाइएको छ। विराटनगरस्थित मेट्रो न्युरो अस्पतालले मृत्यु प्रमाणपत्रसमेत बनाएर १५ घण्टासम्म शवगृहमा...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...