गण्डकी प्रदेशमा किन घटे पर्यटक ?

विजय उत्सव
विजय उत्सव

पत्रकार विजय उत्सव लोकान्तरका गण्डकी प्रदेश प्रतिनिधि हुन् ।

गण्डकी प्रदेश घुम्ने पर्यटकको संख्या घटेको छ। अघिल्लो महिना तुलनामा सन् २०१९ डिसेम्बरमा प्रदेश घुम्ने पर्यटकको संख्या घटेको हो। 

नोभेम्बरमा २५ हजार ३ सय ५६ पर्यटकले गण्डकी भ्रमण गरेकोमा डिसेम्बरमा यो संख्या झण्डै आधाले घटेको छ। नेपाल पर्यटन बोर्डका अनुसार डिसेम्बरमा १६ हजार ७ सय ६३ जना पर्यटकले मात्र गण्डकी प्रदेश भ्रमण गरे।


Advertisement

अक्टुबरमा गण्डकी प्रदेश भ्रमण गर्नेको संख्या २४ हजार ४ सय ७७ थियो। अक्टोबर र नोभेम्बर पर्यटकीय आगमनका हिसाबले व्यस्त सिजन भए पनि डिसेम्बरमा पर्यटक घटेको नेपाल पर्यटन बोर्डले जनाएको छ । 

पछिल्लो समय गण्डकी प्रदेश उद्योग, पर्यटन, वन तथा वातावरण मन्त्रालय र नेपाल पर्यटन बोर्ड, पोखराले प्रदेश घुम्ने पर्यटकको तथ्यांक राख्न थालेको छ। 


Advertisement

सोही अनुरुप गण्डकीमा कास्कीस्थित पोखरा विमानस्थल, तनहुँको आँबुखैरेनी र स्याङ्जाको गल्याङस्थित प्रहरी चौकीले बाह्य पर्यटकको तथ्यांक संकलन गर्दै आएको छ। गण्डकीका ११ जिल्लाअन्तर्गत सो तथ्यांकमा नवलपुर जिल्ला समावेश छैन। 

डिसेम्बरमा पर्यटक आगमनकोे प्रवृत्ति हेर्दा सो महिनामा करिब ४१.५ प्रतिशत विमानबाट र बाँकी पृथ्वी राजमार्ग र सिद्धार्थ राजमार्ग भएर भित्रिएका छन् । तीमध्ये तेस्रो मुलुकका पर्यटकको हिस्सा ६२ प्रतिशत छ। 

तथ्यांक अनुसार डिसेम्बरमा पोखरा विमानस्थल ओर्लिनेमा भारतीय पर्यटक १ हजार ४ सय ७७ र तेस्रो मुलुकका ५ हजार ४ सय ८१ छन् । त्यस्तै, आबुखैरेनीमा भारतीय पर्यटक २ हजार ४ सय ५० र तेस्रो मुलुकका ४ हजार ८ सय ७९ जना छन् भने गल्याङमा भारतीय पर्यटकको तथ्यांक ५ हजार ३ सय ७२ र तेस्रो मुलुकका १० हजार ३ सय ९१ रेकर्डमा उल्लेख छ। 

विजय उत्सव
विजय उत्सव

लेखकबाट थप...

कमेन्ट गर्नुहोस्