काठमाडौं - चलचित्र विकास बोर्डले आधादर्जन महिला चलचित्रकर्मीलाई सम्मान गरेको छ । वोर्डले काठमाडौंमा ‘महिला सशक्तीकरणका लागि सूचनाको हक अभिमुखीकरण तथा प्रशिक्षण कार्यशाला’ कार्यक्रमको अवसर पारि उनीहरुलाई सम्मान गरेको हो ।

विहिवार सम्पन्न कार्यक्रममा करिश्मा मानन्धर, साम्राज्ञी राज्यलक्ष्मी शाह, बरिष्ठ कलाकार चत्य देबी, सकुन्तला शर्मा, बसुन्धारा भुसाल तथा दिपाश्री निरौलालाई सम्मान गरिएको हो ।

प्रदेश ३ की प्रमुख अनुराधा कोइरालाको प्रमुख अतिथ्यता तथा विकास बोर्डकी अध्यक्ष निकिता पौडेलले संयुक्त रुपमा उनिहरुलाई सम्मान पत्र हस्तान्तरण गरे । नेपाली चलचित्र क्षेत्रवाट महिला सशक्तिकरणमा योगदान गरेको भन्दै ति कलाकारहरुलाई सम्मानित गरिएको हो ।

प्रदेश प्रमुख कोइरालाले कलाको माध्यमवाट समाजलाई सहि ढगंले अगाडि वढाउन सकिने भएकाले सोही किसीमले काम गर्न निर्देशन सम्मानित कलाकारहरुलाई आग्रह गरिन् । उनले भनिन्, ‘महिलाहरु चलचित्र वाहेक समाजमा पनी रोल मोडलका रुपमा चिनिन्छन्, चलचित्रमा पनी सोही किसीमले काम गर्नेहो भने समाज परिवर्तन गर्न खासै गाह्रो हुनेछैन ।’