काठमाडौं — एक स्कूलका प्रिन्सिपलले कालो कपडा लगाएर आफ्ना विद्यार्थीहरूसँग नाचेको भिडियो सामाजिक सञ्जालमा भाइरल भइरहेको छ । चीनको एक स्कूलमा प्रिन्सिपलले विद्यार्थीहरूसँग तालमा ताल मिलाएका हुन् । 

साउथ चाइना मर्निङ पोस्टका अनुसार, ४० वर्षीय प्रिन्सिपल झाङ पेङफेईले आफैं डान्स सिकेर विद्यार्थीहरूलाई सिकाउने कोशिश गरे । 

शाङ्शी प्रान्तको लिनयीस्थित जी गुआन प्राथमिक विद्यालयका प्रधानाध्यापक पेङफेईले विद्यार्थीहरूलाई व्यायाम गराउनका लागि नृत्यको निर्णय लिए । प्रिन्सिपलका साथ विद्यार्थीहरूले गरेको नृत्यलाई गुइबु डान्स भनिन्छ । 

भिडियोलाई फेसबूकमा पाँच लाखभन्दा बढी मानिसले शेयर गरिसकेका छन् र ३९ हजारभन्दा बढीले कमेन्ट गरिसकेका छन् । 

एजेन्सी