कात्तिक १८, २०८०
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
कात्तिक २७, २०७७
मुलुककै दोस्रो ठूलो पेट्रोलियम भण्डारण गृहको पोखरामा बिहीबार शिलान्यास गरिएको छ । नेपाल आयाल निगमले २०५८ सालपछि निगमकै आफ्नै लगानीमा पहिलो कामको रुपमा यो परियोजना अघि सारेको हो ।
हरेक प्रदेशमा कम्तीमा ३ महिना (९० दिन) का लागि इन्धन भण्डारण क्षमताको डीपो निर्माण गर्ने निगमको घोषणा नीतिअनुरुप पहिलो परियोजनारुपमा गण्डकी प्रादेशिक डीपोको क्षमता अभिवृद्धि सुरु गरिएको निगमका कार्यकारी निर्देशक सुरेन्द्र पौडेलले जानकारी दिए ।
पोखरा महानगरपालिका वडा २९ र ३० अन्तर्गत गगनगौंडामा रहेको सो डीपोको भण्डारण क्षमता बिस्तारले प्रदेशमा पेट्रोलियम पदार्थको बिक्री वितरणलाई सुदृढ बनाउन कोसेढुंगा सावित हुने विश्वास गरिएको छ ।
हाल डीपो रहेको कुल २७ रोपनी जग्गालाई नै व्यवस्थापन गरेर निगमले पहिलो चरणमा ५० लाख लिटर क्षमताका दुई छुट्टाछुट्टै डीजल भण्डारण ट्याङ्क निर्माण गर्नेछ । सो परियोजना आगामी २ वर्षभित्र सम्पन्न गर्ने लक्ष्य छ । परियोजनाको ठेक्का समानान्तर–रेलिगेयर–भारत ट्यांकस जेभीले पाएको छ । यो डीपो अमलेखगञ्जपछिको नेपालकै दोस्रो ठूलो पेट्रोलियम भण्डारण गृह बन्नेछ ।
परियोजनाको एक समारोहबीच उद्योग, वाणिज्य तथा आपूर्तिमन्त्री लेखराज भट्टले शिलान्यास गरेका हुन् । उनले कोरोना महामारीले कमजोर बनाएको अवस्थामा अर्थतन्त्र सुदृढ बनाउन सरकार कटिबद्ध रहेको बताए । उनले आगामी दिनमा पेट्रोलियम पदार्थ आपूर्तिमा कुनै कमजोरी हुन नदिने बताए ।
नाकाबन्दी, विनासकारी भूकम्प लगायत विषम परिस्थितिको बेला नेपाली जनताले भोग्नुपरेको समस्या मध्यनजर राख्दै सरकारले यो अभियान अघि सारेको मन्त्री भट्टले प्रष्ट पारे ।
उनले भने, ‘यो विकासको एउटा फड्को हो । छोटो समयमै जनताले विकास चाहेका छन्, परिणाम देखिने सरकार काम गर्न चाहन्छ । त्यसको ज्वलन्त उदाहरण यो हो ।
’
उनले आर्थिक समृद्धिको दिशातर्फ अघि बढ्न सबैको साथ र सहयोग आवश्यक रहेको बताउँदै कोभिडसँग लड्ने र देशको अर्थतन्त्र कमजोर हुन नदिने गरी सरकार अघि बढेको दाबी गरे ।
पेटोलियम पदार्थ सुरक्षा र विकाससँग जोडिएको विषय भएको हुँदा सरकारको यसमा कुनै कमी कमजोरी हुन नदिने उनले बताए । उनका अनुसार देशका सातै प्रदेशमा यस्तै प्रकृतिको पेट्रोलियम भण्डारण बनाउँदै जाने बताए ।
मन्त्रालयका सचिव बैकुण्ठ अर्यालले असामान्य अवस्थामा पनि मुलुकमा पेट्रोलियम पदार्थ आपूर्तिको अभाव हुन नदिने बताए । पोखरामा डीपो निर्माणपछि गण्डकी हवको रुपमा विकास हुने र काठमाडौंमा अभाव देखियो भने पनि त्यसको ब्याकअपको रुपमा आपूर्ति गर्न सकिने व्यवस्था मिलाइने बताए । उनले निर्धारित २ वर्षमै जर्मन प्रविधिबाट परियोजना सम्पन्न हुने जिकिर गरे ।
गण्डकी प्रदेशमा हरेक दिन ४ लाख ६७ हजार लि. पेट्रोलियम पदार्थको खपत हुने गरेको निगमका प्रवक्ता इन्जियिर वीनितमणि उपाध्यायले जानकारी दिए । उनका अनुसार एक दिनमा गण्डकीमा ३ लाख २५ हजार लि. डीजल र १ लाख ४२ हजार लि. पेट्रोल बिक्री भइरहेको छ । यस डीपोमा हाल २२ लाख ८० हजार लि. डीजल र ३ लाख ५० हजार लि. पेट्रोलको भण्डारण क्षमता रहेको छ ।
प्रदेशमा कुनै कारणले अवरोध भए डीजल ७ दिन र पेट्रोलको माग २ दिनमात्रै धान्न सक्छ । अब नयाँ भण्डारण परियोजना संचालनमा आएपछि डीजल ३० दिन र पेट्रोल १२ दिनसम्म धान्न पुग्नेछ । चितवनको लोथरमा बन्ने ठूलो ब्लक भण्डारण गृहको सप्लाई चेनको रुप्मा निगमले गगनगौँडा डीपोलाई लिएको जनाएको छ । डीपो निर्माण गर्न इन्जिनियरिङ अध्ययन संस्थान कन्सल्टेन्सी सेवा पुल्चोकले प्राविधिक अध्ययन गरेको हो । भण्डारण गृहको कुल निर्माण लागत ७७ करोड रुपैयाँ लाग्नेछ ।
नयाँ पहुँच सडक, २ लाख लि. क्षमताको पानी भण्डारण ट्यांक, डीपोको चमेना गृह, चालक तथा सुरक्षाकर्मी बस्न नयाँ संरचना निर्माण गरिनेछ । इन्धन भण्डारण ट्यांक र सोमा जडान हुने संरचना जर्मन प्रविधिमा आधारित पूर्ण स्वचालित हुनेछन् । डीजल लोड तथा अनलोड सुविधा पूर्णरुपमा स्वचालित र हाइटेक सुरक्षा प्रविधिमा आधारित हुने निगमका कार्यकारी निर्देशक पौडेलले बताए ।
यस्तै, नयाँ भण्डारण गृहमा २० हजार लि. क्षमताका ३२ देखि ४० ट्यांकरले दैनिक डीजल अनलोड गर्न सक्नेछन् । ट्यांकर अनलोडका लागि प्रतिघण्टा १२० किलोलिटर क्षमताका ५ वटा पम्प जडान गरिने जनाइएको छ । कुनै कारण डीपोमा आगलागी भए करिब २ घण्टासम्म निरन्तर आगो नियन्त्रणका लागि लड्ने क्षमताको पूर्वाधार डीपो हुनेछ । ७० प्रतिशत पानी र ३० प्रतिशत फोमयुक्त अग्नि नियन्त्रण उपकरण प्रयोग हुनेछ ।
कार्यक्रममा पोखरा २९ का अध्यक्ष चेतबहादुर गुरुङ, निगमका प्रमुख सचिव विष्णु नेपाल, गण्डकी प्रादेशिक डीपो कार्यालयका शाखा प्रमुख पुष्कर कार्की लगायतले बोलेका थिए ।
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...