मंसिर १५, २०८०
नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...
भौतिक पूर्वाधार तथा यातायात मन्त्री रेणु यादवले पार्टीले निर्णय गरे पनि मन्त्री पदबाट फिर्ता नआउने बताएकी छन् ।
बालकुमारीस्थित जनता समाजवादी पार्टी (जसपा)को केन्द्रीय कार्यालयमा अध्यक्ष उपेन्द्र यादवसँग शुक्रवार भएको भेटमा मन्त्री रेणुले मन्त्री पद नछाड्ने अडान राखेकी हुन् ।
जसपा स्रोतले दिएको जानकारी अनुसार मन्त्री पदबाट सबैलाई फिर्ता गरेर नयाँ मन्त्री पठाउने निर्णय गर्न लागेको जानकारी दिन अध्यक्ष यादवले उनलाई पार्टी कार्यालय बोलाएका थिए ।
'पार्टी विभाजनबाट जोगाउन पनि मन्त्रीहरूलाई फिर्ता बोलाउनुपर्ने बाध्यात्मक स्थिति आइसकेको छ,' अध्यक्ष उपेन्द्र यादवलाई उद्धृत गर्दै जसपा स्रोतले लोकान्तरसँग भन्यो, 'जवाफमा मन्त्री रेणु यादवले पार्टीले निर्णय गरे पनि आफू मन्त्री पदबाट फिर्ता नहुने भनेर स्पष्ट रूपमा चुनौती दिएकी थिइन् ।'
६ महिनाका लागि मात्र मन्त्री नबनेको, अब आगामी निर्वाचनसम्म आफू मन्त्री रहिरहने भनेर रेणुले अध्यक्ष यादवलाई प्रस्ट रूपमा जानकारी गराएको स्रोतको दाबी छ ।
तर, मन्त्री रेणु यादवले भने त्यस्तो कुनै कुरा नभएको लोकान्तरलाई बताइन् । आफ्नो र अध्यक्ष यादवसँग ७ दिन यता भेट पनि नभएको उनको भनाइ छ ।
'अहिले केही फटाहाहरूको हाम्रो पार्टीमा जमात बढेको छ, उनीहरूले के-के हल्ला बाहिर फैलाउँछन्, त्यो मलाई थाहा भएन,' मन्त्री यादवले लोकान्तरसँग भनिन्, 'न त मलाई उहाँले राजीनामा दिन भन्नु भएको छ, न त मन्त्रीलाई सरकारबाट फिर्ता गराउने पार्टीबाट कुनै निर्णय भएको छ ।'
पार्टीको अहिले कुनै बैठक नबसेको भन्दै सरकारबाट फिर्ता बोलाउने र नयाँ मन्त्री पठाउने विषयमा कुनै कुराकानी नै नभएको उनको दाबी छ ।
अध्यक्ष उपेन्द्र यादवलाई पार्टी विभाजनबाट जोगाउन सरकारमा सहभागी रहेका चार जना मन्त्रीलाई फिर्ता बोलाएर अन्य सांसदलाई मन्त्री बनाउनुपर्ने दबाब बढेको छ ।
अध्यक्ष यादवले यसअघि आफ्नो विश्वास पात्रसमेत रहेका वन तथा वातावरण मन्त्री रामसहाय यादवलाई मन्त्री पदबाट राजीनामा गरेर पार्टीमा त्यागको उदाहरण प्रस्तुत गर्न अनुरोध गरेका थिए । तर, वन मन्त्रीले पनि आफू एक्लैले राजीनामा नगर्ने, पार्टीले नै निर्णय गरेर चारै जनालाई एकसाथ फिर्ता बोलाउनुपर्ने भनेर जवाफ दिएका थिए ।
सरकारमा जसपाको तर्फबाट संघीय मामिला तथा सामान्य प्रशासन मन्त्री राजेन्द्र श्रेष्ठ, कृषि तथा पशुपक्षी विकास मन्त्री महेन्द्रराय यादव, भौतिक पूर्वाधार तथा यातायात मन्त्री रेणु यादव र वन तथा वातावरण मन्त्री रामसहाय यादव सहभागी छन् ।
धेरै जना सांसद मन्त्री बन्न इच्छुक भएपछि ६ महिनाका लागि मात्र यी चार जनालाई मन्त्री बनाइएको, त्यसपछि उनीहरूलाई फिर्ता बोलाएर नयाँ मन्त्री पठाउने जसपा अध्यक्ष यादवले प्रतिबद्धता व्यक्त गरेका थिए ।
नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...
जसपाबाट उपराष्ट्रपतिमा रामसहाय यादवको उम्मेदवारी कायम भएको छ। सत्ता गठबनधनको तर्फबाट उपराष्ट्रपतिको उम्मेदवार बनाइएका जसपा नेता रामसहाय प्रसाद यादवको उम्मेदवारी निर्वाचन आयोगले कायमै राख्ने ...
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...
दशैं वरिपरि मुलुकमा केही राजनीतिक परिदृश्यहरू देखिए । दशैंको रौनकसँगै पूर्वमा कोशीको छालले केही तरंग ल्यायो । कोशी प्रदेशमा कांग्रेसभित्रको ‘अर्ध विद्रोह’ले पाँच दलीय गठबन्धनमात्रै धर्मराएन, कांग्र...
नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...