प्रतिनिधि र राष्ट्रिय सभाको चालू अधिवेशन अन्त्य भएको छ । 

मन्त्रिपरिषद्को भदौ ३१ गते गरेको सिफारिसअनुसार राष्ट्रपति विद्यादेवी भण्डारीले  प्रतिनिधि र राष्ट्रिय सभाको चालू अधिवेशन अन्त्य गरेकी छन् । 

राष्ट्रपति भण्डारीले नेपालको संविधानको धारा ९३ को उपधारा (२) बमोजिम संघीय संसदका दुवै सदनको चालु अधिवेशन असोज १ गते शनिवार राति १२ बजेदेखि अन्त्य गरेको पत्र संसद् सचिवालयमा पठाएकी छन् । 

राष्ट्रपतिले अधिवेशन अन्त्यको पत्र पठाएसँगै असोज २ गते आइतवार बिहान बस्नेगरी निर्धारण भए पनि राष्ट्रिय सभाको अधिवेशन अन्त्य हुने भएको छ ।

प्रतिनिधि सभाको कार्यकाल भने शनिवारको बैठकबाट सकिएको छ । अब मंसिर ४ मा हुने निर्वाचन पछि मात्रै नयाँ जनादेशसहितको प्रतिनिधि सभा निर्वाचित भएर आउने छ ।