गायक प्रकाश सपूतले अभिनय एवं नृत्य गरेको गीत युट्यु्ब ट्रेन्डिङ​को शीर्षस्थानमा आएको छ । 

६ दिनअघि सार्वजनिक ‘कमाउनेनी हो रमाउनेनी हो’ बोलको गीत युट्यु्ब ट्रेन्डिङ​को पहिलो नम्बरमा आएको हो । गीतले यो अवधिमा २० लाख हाराहारी भ्युज पाइसकेको छ । 

यो तीजको गीत हो । यसमा गायक खेम सेञ्चुरी र गायिका सुनिता बुढा क्षेत्रीको स्वर छ । 

नेत्र अर्यालको शब्द, खेमकै संगीत रहेको गीतलाई एरेन्ज विनोद बाजुरालीले गरेका हुन् । 

शंकर बिसीको निर्देशन एवं कोरियोग्राफीमा तयार भिडियोमा प्रकाशले मोडल जुना विश्वकर्मासँग जोडी बाँधेका छन् । 

नवराज उप्रेतीको छायांकन, मनोज कार्कीको सम्पादन रहेको गीतलाई शुभारम्भ डिजिटलको प्रस्तुतिमा शम्भु कुवँरले निर्माण गरेका हुन् ।