सिप्रदी ट्रेडिङ प्रालिले एक्साइडको इन्भर्टर नेपाली बजारमा सार्वजनिक गरेको छ ।​​​

एक्साइड इन्डस्ट्रिजको नेपालस्थित आधिकारिक बिक्रेता सिप्रदीले ​एक्साइड स्टार र एक्साइड म्याजिक नामका दुई वटा इन्भर्टर एक कार्यक्रमबीच एकैसाथ सार्वजनिक गरिएको हो ।​​

एक्साइड स्टारमा एड्भान्स माइक्रोकन्ट्रोलर, लो भोल्टेज अपरेसनका लागि उपयुक्त प्योर साइन वेभ सेप, दुई वटा अप्सनमा चार्ज गर्न सकिने, एलईडी डिस्प्ले इन्टरफेस र अटो स्मार्ट प्रोटेक्सन लगायतका रहेका सिप्रदीले जनाएको छ ।

यसैगरी एक्साइड म्याजिकमा डिजिटल सिग्नल प्रोसेसर, अटो सेन्स इन्टेलिजेन्ट कन्ट्रोल, एक्स्ट्रीमली लो हार्मोनिज, कलरफूल एलईडी इन्टरफेस, दुई वटा अप्सनमा चार्ज गर्न सकिने, अटो स्मार्ट प्रोटेक्सन र नोइजलेस अपरेसन लगायतका विशेषताहरू रहेका छन् ।

यस एक्साइड इन्भर्टर सार्वजनिक कार्यक्रममा सिप्रदी ट्रेडिङ प्रालि र एक्साइड इन्डस्ट्रिजका प्रतिनिधिहरू र एक्साइडका नेपालभरि रहेका डिलरहरूको उपस्थिति रहेको थियो ।

कार्यक्रममा सिप्रदी ट्रेडिङ प्रालिका प्रमुख कार्यकारी अधिकृत राजनबाबु श्रेष्ठले नयाँ इन्भर्टरहरूले आगामी दिनमा नयाँ उचाइ र आयाम थप्ने विश्वास व्यक्त गरे । ‘विगत लामो समयदेखि पावर ब्याकअप सेवा दिँदै आइरहेकोमा नयाँ इन्भर्टरहरूले आगामी दिनमा नयाँ उचाइ र आयाम छुने कुरामा विश्वस्त हुन सम्पूर्ण डिलरहरूलाई आग्रह गर्नु चाहन्छु’, उनले भने ।

यस्तै, एक्साइड इन्डियाका कार्यकारी उपाध्यक्ष मुकुल कन्डवालले एक्साइड स्टार र एक्साइड म्याजिक नेपालमा ल्याउन पाउँदा खुसी लागेको बताए ।

‘यस इन्भर्टरले नेपाली बजारमा पावर ब्याकअपको रेञ्ज पूरा भएको छ । जसले ग्राहकको अनुकूलता अनुरूप ब्याकअपको परिपूर्ति गर्न मद्दत गर्दछ’, उनले भने ।

देशकै नम्बर एक ब्याट्री ब्राण्ड एक्साइड मूख्यतः अटोमेटिभ, दुई पाङ्ग्रे, इन्भर्टर तथा सोलार ब्याट्रीको क्षेत्रमा काम गर्दछ ।

व्यवसाय सहज तथा प्रभावकारी रुपमा सञ्चालन गर्नका लागि कम्पनीको नेपालभर वृहत् सेल्स तथा सर्भिस टिम रहेको छ ।