नेपाल वायु सेवा निगमको वाइडबडी विमान खरिदमा अनियमितता गरेको आरोपमा अख्तियार दुरूपयोग अनुसन्धान आयोगले नेपाली कांग्रेसका केन्द्रीय सदस्य एवं कर्णाली प्रदेशका पूर्व मुख्यमन्त्री जीवनबहादुर शाहीविरुद्ध भ्रष्टाचार मुद्दा दायर गरेको छ । 

२०७४ सालमा संस्कृति, पर्यटन तथा नागरिक उड्डयन मन्त्री रहेको समयमा वाइडबडी खरिदमा निर्णय गराउने शाही लगायत ३२ जनाविरुद्ध बिहीवार भ्रष्टाचार मुद्दा दायर भएको हो । 

शाही अहिले कर्णाली प्रदेश सभामा कांग्रेस संसदीय दलको नेता छन् । 

२०७३ सालमा प्रधानमन्त्री पुष्पकमल दाहाल ‘प्रचण्ड’ नेतृत्वको सरकारमा शाही पर्यटन मन्त्री बनेका थिए ।