सत्तारुढ दल नेकपा (एमाले)का अध्यक्ष केपी शर्मा ओली बृहत् चुनावी सभालाई सम्बोधन गर्न बुधबार इलामको चुलाचुली पुगेका छन् ।

उनी करिब दुई घण्टाअघि त्यसतर्फ प्रस्थान गरेका थिए । ‘इलामको चुनावी सभामा जाने क्रममा चन्द्रगढी एयरपोर्ट झापामा,’ ओलीले सामाजिक सञ्जालमा लेखेका थिए ।

चुलाचुलीको कार्यक्रममा पूर्वप्रधानमन्त्रीसमेत रहेका ओलीले आफ्नो पार्टीको तर्फबाट उम्मेदवार रहेको सुहाङ नेम्वाङलाई भोट माग्नेछन् । 

यही वैशाख १५ मा इलाम–२ मा हुन गइरहेको उपनिर्वाचनमा एमालेका सुहाङ र नेपाली कांग्रेसका डम्बर खड्काबीच मुख्य प्रतिस्पर्धा हुने आकलन गरिएको छ ।

इलाम–२ मा एमाले उपाध्यक्ष सुवास नेम्वाङको निधन भएपछि उपनिर्वाचन हुन लागेको हो । सुहाङ सुवासकै छोरा हुन् ।