मंसिर १४, २०८०
प्रगतिशील राजनीतिको 'फ्रन्टलाइन'मा देखिने नेताहरू जति कठोर हुन्छन्, त्यो भन्दा बढी ‘इमोसनल र सेन्टिमेन्टल’ पनि हुन्छन् । त्यस्तै ‘इमोसनल फिलिङ्स’का बाबजुद परिस्थितिले कठोर बन्दै गएक...
काठमाडाैं – ‘बर्खाअगाडि मास्क लगाउनेको संख्या धेरै थियो, अहिले घटेको पाएको छु,’ प्रतिनिधि सभाको हिउँदे अधिवेशनको पहिलो बैठकलाई सम्बोधन गर्दै गत पुस ११ गते नेकपा अध्यक्ष पुष्पकमल दाहाल प्रचण्डले भनेका थिए, ‘म बसेको खुमलटार क्षेत्रमा पनि झण्डै एक वर्षपछि धूलोमैलोको स्थिति रहेन । बिस्तारै काठमाडौं उपत्यकाभरि त्यो परिस्थिति बन्दैछ ।’
प्रचण्डले संकेत गर्न खोजेको विषयलाई अलि नजिकबाट हेरौं । तपाईं सातदोबाटो–टीकाभैरव रोड अर्थात् चापागाउँ दोबाटो हुँदै ठेचोतर्फको यात्रा गर्दै हुनुहुन्छ भने चक्रपथबाट बाहिरिनासाथ फराकिलो र सफा सडक देख्न सक्नुहुन्छ ।
नेकपाका अध्यक्ष पुष्पकमल दाहाल ‘प्रचण्ड’ खुमलटार बस्न थालेपछि यस क्षेत्रमा सडकको अवस्था सुध्रिएको हो । सडक पिच भएको झण्डै आठमहिना भयो । त्यसअघि यो सडकको अवस्था दयनीय थियो । प्रचण्डले दैनिक यात्रा गर्नुपर्ने भएपछि रातारात स्तरोन्नति र पिच गरियो ।
रिङरोडबाट युलेन्स स्कूलसम्म सडक निकै राम्रो देखिन्छ । त्यहाँबाट दाहिनेतर्फ लागेपछि प्रचण्ड निवास जाने सडक पनि सफाचट नै छ । दायाँबायाँ पनि फाहोर राख्ने डस्टबीनहरू पनि राखिएका छन् । त्यसैले शायद प्रचण्डलाई लाग्यो, आफ्नो ठाउँमा धूलोधूवाँ हराएपछि पूरै काठमाडौं सफा भयो । त्यसो त प्रचण्डको घर जाने रुटका बासिन्दा पनि खुशी नै छन् ।
प्रचण्ड आएपछि सडकको अवस्था सुध्रिएको स्थानीय व्यापारी प्रकाश महर्जन बताउँछन् । ‘प्रचण्डज्यू, आएपछि सडकको अवस्था त सुध्रिएको छ,’ महर्जनले भने ।
खानेपानी र ढलको समस्या भने समाधान हुन बाँकी रहेको उनी बताउँछन् ।
प्रचण्डको घर पार गरेपछि देख्न सकिन्छ सडकको पुरानै हविगत । प्रचण्डकै घरपछाडिको बाटोमा हामी पुग्दा मानिसहरू हिलोमा निकै कष्टपूर्ण ढंगले यात्रा गरिरहेका थिए ।
ललितपुर महानगरपालिका– २६ सुनाकोठी र त्यस आसपासका क्षेत्रमा सडक खनेर धूलो/हिलो भएको झण्डै २ वर्ष बितिसक्यो तर सडक पिच हुन सकेको छैन ।
स्थानीय तुलसा थापा भन्छिन्– ‘हाम्रोभन्दा अलिकति तल अध्यक्ष प्रचण्डको घर जाने सडक चिल्लो छ, १०० मिटरमाथि हाम्रो सडकको अवस्था भने बिजोग छ । २ वर्ष भयो सडक बनेको छैन । हामीले खानेपानी ल्याउनेसम्म पनि सडक छैन । हामीले पानी खानु पर्दैन ?’
मेलम्ची खानेपानीको लाइन र ढल तथा सडकको विवादले त्यस क्षेत्रको सडक निमार्णमा ढिलाइ भएको थापा बताउँछिन् ।
अर्का स्थानीय रमेश महर्जनले आक्रोशित हुँदै थपे, ‘सुनाइदिनुस् प्रचण्डज्यूलाई, तपाईं हिँड्ने बाटो चिल्लो छ, हामीलाई खै ? हामीले सधैँ यस्तै गरी हिँड्नुपर्ने हो ?’
ठेचो, ताहाखेल र चापागाउँ जाने सडकको अवस्था झनै नाजुक छ । पुरानो पिच उप्किएर सडकमा खाल्डाखुल्डी परेका छन् । आवतजावत गर्न समस्या छ ।
दिनहुँजसो २/४ वटा दुर्घटना भइरहने र यात्रुहरू घाइते भइरहने गोदावरी नगरपालिका स्थित चापागाउँमा स्थानीय रामकृष्ण महर्जन बताउँछन् । मुलुकमा तीन तहको सरकार हुँदा पनि कसैले वास्ता नगरेको उनको गुनासो छ ।
यस क्षेत्रमा पुगेर जो कोहीलाई सोध्दा पनि आक्रोश पोख्छन्, नेताहरू आफू हिँड्ने बाटो राम्रो चाहिने, हामीलाई चाहिँ सधैँ सास्ती !’
हेर्नुहोस्, प्रचण्डको घरसम्म पुग्ने बाटो
हेर्नुहोस्, जनता मात्र हिँड्ने बाटो :
भिडियाे :
प्रगतिशील राजनीतिको 'फ्रन्टलाइन'मा देखिने नेताहरू जति कठोर हुन्छन्, त्यो भन्दा बढी ‘इमोसनल र सेन्टिमेन्टल’ पनि हुन्छन् । त्यस्तै ‘इमोसनल फिलिङ्स’का बाबजुद परिस्थितिले कठोर बन्दै गएक...
भगवान् गौतम बुद्धको जन्मस्थल लुम्बिनी विश्वकै लागि शान्तिक्षेत्र हो । यो क्षेत्र आउँदो महिना विशेष हुने भएको छ । विश्वकै प्रतिष्ठित र ठूलो पुरस्कार मानिने नोबेल पुरस्कार विजेताहरूको जमघट हुने भएपछि विशेष हुन लागेक...
रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...
बुधवार काभ्रेको धुलिखेलस्थित काठमाडौं विश्वविद्यालयका १ हजार ८३८ जना विद्यार्थीमाझ सनम ढकाल दृश्यमा आए । एमबीबीएसमा सर्वोत्कृष्ट भएर गोल्ड मेडल ल्याउँदै सनम दीक्षित भएसँगै सबैमाझ परिचित भएका हुन् । काठम...
बुटवलका कुलचन्द्र पाण्डे सफल पर्यटन व्यवसायी हुन् । कुनै समय भारतको एउटा कम्पनीमा काम गरेका पाण्डे अहिले रूपन्देहीमा ‘एसियन ब्राण्ड’ चम्काउने ‘टुरिजम’ उद्यमीका रूपमा चिनिन्छन् । तीन दशकअघि...
२०५८ साल वसन्त ऋतुको समय । घमाइलो त्यो समयमा एउटा फूल काँडाको बाटो डोरिँदै थियो । बहकाउ र त्रासमा १३ वर्षको बालक सत्तालाई बन्दुक नाल तेर्स्याउन कस्सिएको थियो । लहडमा हिँडेको बाटोमा न ऊ फुल्न पायो, न ओइलियो ।...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...