माघ २४, २०८०
काठमाडौं महानगरपालिका वडा नम्बर– ३ बाँसबारीमा शहीद गंगालाल राष्ट्रिय हृदय केन्द्रनजिकै सञ्चालनमा छ, द चाँदबाग स्कूल । विनोद चौधरी नेतृत्वको सीजी ग्रुपअन्तर्गत सीजी एजुकेसनले सञ्चालन गरेको उक्त स्कू...
चैत ७, २०७५
काठमाडौं –शहरी विकास मन्त्रालयमा सरकारी सवारीसाधनको निकै दुरुपयोग भइरहेको पाइएको छ ।
मन्त्री मोहम्मद इश्तियाक राईले आफ्नो सचिवालयको प्रयोजनका लागि भनेर नै ३ वटा गाडी र एउटा स्कूटर लिएका छन्, जसमा उनी स्वयंले चढ्ने बा २ झ ३८४२ नम्बरको गाडी तथा उनका सवारी चालक र पीएसओले चढ्ने मोटरसाइकल समावेश छैन ।
स्वकीय सचिवालयका नाममा दुईवटा गाडी छन् । बा २ झ ३६३८ र बा २ झ ३०९२ नम्बरको गाडी स्वकीय सचिवालयले प्रयोग गर्दै आएको पाइएको छ । यति मात्र होइन, स्वकीय सचिवालयका लागि नै भनेर बा २ ब २३३६ नम्बरको स्कूटर पनि लिइएको छ ।
यद्यपि मन्त्री राईका स्वकीय सचिव शमशुल हक राई भने स्वकीय सचिवालयसँग ३६३८ नम्बरको गाडी मात्र रहेको दाबी गर्छन् । उनले त्यसो भने पनि मन्त्रालयले उपलब्ध गराएको विवरणमा स्वकीय सचिवालयका लागि भनेर २ वटा गाडी र एउटा स्कूटर लिएको देखिन्छ ।
मन्त्रीका निजी सचिवले बा २ झ ९७० नम्बरको गाडी प्रयोग गर्ने गरेको विवरणमा उल्लेख छ । उक्त गाडी शाखा अधिकृत वैकुण्ठ उपाध्यायले प्रयोग गर्दै आएका छन् । हामीलाई प्राप्त विवरणमा निजी सचिव मात्र उल्लेख भए पनि उनको नाम, प्रत्यक्ष फोन सम्पर्क र पद मन्त्रालयको वेबसाइटबाट लिइएको हो ।
मन्त्रालयमा उपसचिवभन्दा तल्लो तहका कर्मचारीले चारपांग्रे सवारी सुविधा पाएको देखिँदैन । यसरी हेर्दा मन्त्रीकै निजी सचिवको हैसियतमा उनले गाडी प्रयोग गर्ने गरेका हुन् ।
सचिवलाई बिहान–बेलुका र दिउँसो बेग्लाबेग्लै गाडी !
सचिव रमेशप्रसाद सिंहले दुईवटा गाडी प्रयोग गर्छन् । बा १ झ ९४४९ नम्बरको गाडी सचिवले आफ्नै नाममा लिएका छन् भने बा २ झ २९८३ नम्बरको गाडी सचिवालयका लागि भनेर लिइएको छ ।
मन्त्रालय स्रोतका अनुसार, दुवै गाडी सचिव सिंहले प्रयोग गर्दै आएका छन् । ‘एउटा गाडी दिउँसो चढ्नुहुन्छ,’ स्रोतले भन्यो, ‘अर्को एउटा बिहान–बेलुका प्रयोग गर्ने गर्नुभएको छ ।’
दुवै गाडीका लागि उनले मासिक सय/सय लिटर इन्धन लिन्छन् ।
आधाभन्दा बढी गाडी शहरी विकास तथा भवन निर्माण विभागका
मन्त्रालयमा प्रयोग हुँदै आएका १७ वटा गाडीमध्ये ९ वटा गाडी शहरी विकास तथा भवन निर्माण विभागले उपलब्ध गराएको देखिन्छ । मन्त्री, सचिव, सहसचिव, मन्त्रीको सचिवालयले प्रयोग गरेका सबै गाडी विभागले उपलब्ध गराएका हुन् ।
हेर्नुहोस्, चारपांग्रे सवारीको विवरण:
मन्त्रीलाई २ सय ७ लिटर र दुईपांग्रे सवारीलाई १० लिटर इन्धन
मन्त्री राईले मासिक २ सय ७ लिटर इन्धन लिँदै आएका छन् । यस्तै सचिवका दुवै गाडीलाई प्रतिगाडी १०० लिटर, स्वकीय सचिवालयको नामका दुई गाडीलाई ८०/८० र निजी सचिवले प्रयोग गर्ने गाडीका लागि ७० लिटर इन्धन मन्त्रालयले मासिक उपलब्ध गराउँदै आएको देखिन्छ ।
उपसचिव सहित अन्यले चढ्ने गाडीलाई मासिक ७० लिटर र दुईपांग्रे सवारीसाधनका लागि १० लिटर इन्धन मन्त्रालयले उपलब्ध गराउने गरेको छ ।
अधिकृत, इन्जिनीयरदेखि सहायकसम्मलाई दुईपांग्रे
शाखा अधिकृत, इन्जिनीयरदेखि कार्यलय सहायकसम्मका ४३ जनाले मोटरसाइकल तथा स्कूटर प्रयोग गर्दै आएका छन् । दुईपांग्रे सवारीका प्रयोगकर्ताले मासिक १० लिटरका दरले इन्धन लिँदै आएको देखिन्छ ।
हेर्नुहोस्, विवरण:
पाँच थान मोटरसाइकल बिग्रिएर थन्किए
मन्त्रालयमा ५ थान मोटरसाइकल बिग्रिएर थन्किएका छन् । ती मोटरसाइकल सीटीईभीटीका प्रशिक्षार्थीको प्रयोजनार्थ हस्तान्तरणको प्रक्रियामा रहेको मन्त्रालयले जनाएको छ ।
पढ्नुहोस्, यस श्रृंखलामा प्रकाशित अन्य समाचार :
भाग- २ : महिला मन्त्रीलाई काठमाडौंभित्र र बाहिरलाई छुट्टाछुट्टै गाडी, उपसचिवलाई मन्त्रीसरह इन्धन !
भाग - १ : खेलकुद मन्त्रालयका सचिवलाई दुई विलासी गाडी, कार्यालय सहयोगीसम्मलाई सवारी सुविधा [विवरणसहित]
काठमाडौं महानगरपालिका वडा नम्बर– ३ बाँसबारीमा शहीद गंगालाल राष्ट्रिय हृदय केन्द्रनजिकै सञ्चालनमा छ, द चाँदबाग स्कूल । विनोद चौधरी नेतृत्वको सीजी ग्रुपअन्तर्गत सीजी एजुकेसनले सञ्चालन गरेको उक्त स्कू...
यातायात व्यवस्था विभागका उच्च अधिकारी, विभिन्न यातायात कार्यालयका प्रमुख तथा कर्मचारी र बिचौलियाको मिलेमतोमा झन्डै ३० हजार अवैध लाइसेन्स जारी भएको पाइएको छ । विगत ६ महिनायता लिखित र ट्रायल परीक्षा नै...
प्रत्येक भाषणमा पारदर्शिता र सुशासनको गफ लगाउने प्रधानमन्त्री पुष्पकमल दाहाल ‘प्रचण्ड’ले आफ्नो सचिवालयलाई निकै जम्बो बनाएको पाइएको छ । परिवारका सदस्यदेखि आफूनिकटका व्यक्ति समेत झन्डै ३ दर्जन बढीलाई निय...
संसदीय लोकतन्त्रलाई आदर्श मान्ने नेपाली कांग्रेसका सभापति एवं संसदीय दलका नेता शेरबहादुर देउवादेखि नयाँ दलको रूपमा उदाएको रास्वपाका सांसद स्वर्णिम वाग्ले तथा शिशिर खनालसम्मले महिनामा एकदिन पनि हाजिरी नग...
कार्यक्रम : राष्ट्रपति, उपराष्ट्रपतिसहित भीभीआईपीहरूको लर्को लागेको एउटा भव्य विवाह समारोह । मिति : २०८० साल, मंसिर २९ गते, शुक्रवार स्थान : गोकर्ण रिसोर्ट, काठमाडौं । (पाँच तारे स्तरको डिलक्स रिसोर्ट) ...
पोखरा क्षेत्रीय अन्तर्राष्ट्रिय विमानस्थल निर्माण अनियमितता प्रकरणमा समेत अर्थमन्त्री वर्षमान पुनको भूमिका शंकास्पद देखिएको छ । २०६८ सालमा अर्थमन्त्री रहेका बेला पुनले प्रचलित कानून, विधि र मापदण्डविपरीत विमानस्थल ...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...