वैदेशिक रोजगार विभागले अन्तराष्ट्रिय विमानस्थालस्थित रसुवा ओभरसिज नामक बैदेशिक रोजगार व्यवसायी (म्यानपावर) कम्पनीमा आकस्मिक अनुगमन गरेर कानूनी कारबाही शुरू गरेको छ ।

संयुक्त अरब इमिरेट्स (यूएई) जाने दुई श्रमिकसँग बढी रकम लिँदै गरेको अवस्थामा उक्त म्यानपावर कम्पनीमा विभागको टोलीले आइतवार अनुगमनको क्रममा कैफियत भेटिएपछि कारबाही शुरू गरेको हो ।

श्रमिकसँग पैसा मागिरहेको छ भन्ने सूचनाको आधारमा उक्त म्यानपावर कम्पनीमा छापा मार्दा दुई श्रमिकसँग एक लाख २५ हजार लिइरहेको फेला परेको विभागका महानिर्देशक भीष्मकुमार भुसालले जानकारी दिनुभयो । गोरखापत्र दैनिकमा खबर छ ।