फ्रान्समा चलिरहेको वर्ल्ड र्‍याली च्याम्पियनशिपमा एक गाडी हिउँले ढाकिएको पहाडको छेउबाट उडेको खतरनाक भिडियो सार्वजनिक भएको छ । 

ओट तानाक नामक चालकले शुक्रवार चलाएको कार नागबेली बाटोमा जाँदै गर्दा नियन्त्रण गुम्न पुगेको थियो । ह्युन्डाई आई२० कार पहाडको छेउमा उडेको थियो । 

तानाक र उनका सहचालक मार्टिन जार्भिओजा कुनै पनि सहयोगविना कारबाट निस्कन सफल भएका थिए । उनीहरूलाई स्वास्थ्य जाँचका लागि अस्पताल लगिएको छ । 

भिडियोमा कार मज्जाले साँघुरो र घुमाउरो बाटोमा गुडिरहेको देखिन्छ । 

गाडी पहिला सडकको छेउतिर पुग्छ र तानाकले त्यसलाई सडकतिर ल्याउन बाध्य हुन्छन् ।

तर केही सेकेन्डभित्रै तानाकले गाडी बाहिरतिर लान्छन् ।

स्तब्ध भएका दर्शकहरूले हेर्दै गर्दा उनले गाडीलाई सडकको छेउबाट उडाउँछन् । गाडी त्यतिखेर १०० माइल प्रतिघन्टाको गतिमा गुडिरहेको हुन्छ । 

कार तल रहेको तटबन्धमा बज्रिन्छ र त्यसको विन्डस्क्रीन चकनाचुर हुन्छ । 

भुइँमा बज्रिएपछि कार पुल्टुंग हुन्छ र त्यसले आकाश र भुइँ छिटोछिटो देखाउँछ । 

ड्याशक्यामबाट कारको कुच्चिएको बोनेट देखिन्छ र कार पल्टा खाइरहन्छ । 

कारबाहिर खिचिएको भिडियोमा कार कसरी तीव्र गतिमा छेउमा गएको भन्ने देखिन्छ । 

कार हावामा उड्छ र रुखमा गएर ठोकिन्छ । 

तानाक र जार्भेओजाले कार दुर्घटनामा परेपछि प्रतियोगिता त्यागेका थिए ।  

तानाकले पोहोर साल टोयोटा गाडीमा च्याम्पियनशिप जितेका थिए ।