कात्तिक १३, २०८०
संयुक्त राष्ट्रसंघका महासचिव एन्टिनियो गोटरेसको भ्रमणका बेला नेपालको शान्ति प्रक्रिया फेरि एकपटक अन्तर्राष्ट्रिय समुदायमाझ चर्चाको विषय बनेको छ । नेपालको शान्ति प्रक्रियाको शुरूआती चरणमा राष्ट्र संघले सहजीक...
नवनियुक्त प्रधानमन्त्री शेरबहादुर देउवाले सबै नेपालीलाई कोरोनाविरुद्धको खोप निःशुल्क उपलब्ध गराउनु आफ्नो सरकारको पहिलो प्राथमिकता रहने भनी संसद्लाई जानकारी गराएर सकारात्मक सन्देश दिएका छन् ।
प्रतिनिधि सभा बैठकमा आइतवार विश्वासको मत लिने क्रममा देउवाले सरकारको पहिलो, दोस्रो र तेस्रो प्राथमिकता खोप नै भएको उल्लेख गरे । विकास सरकारको प्राथमिकता भएपनि अझ महत्त्वपूर्ण कुरा जनताको जीवन रक्षा रहेकाले सरकार खोपमै केन्द्रित हुने देउवाले उल्लेख गरे ।
संयोग भन्नुपर्छ, प्रतिनिधि सभाबाट विश्वासको मत पाएको भोलिपल्ट प्रधानमन्त्री देउवाले अमेरिकी सरकारले दिएको ‘जोन्सन एन्ड जोन्सन’ कम्पनीको खोप लगाउने अभियानको शुभारम्भ गरे । र, राजधानी काठमाडौं उपत्यकाका विभिन्न खोप केन्द्रमा गएर प्रत्यक्ष अनुमगन गरे । प्रधानमन्त्रीले विभिन्न खोप केन्द्रमा गएर अनुमगन गर्नुलाई उनले संसद्मा जनाएको प्रतिबद्धता व्यवहारमै उतार्न खोजेको रूपमा बुझ्न सकिन्छ । देशको कार्यकारी प्रमुखले खोप केन्द्रको अनुमगन गरेर सकारात्मक सन्देश प्रवाह गरेका छन् ।
प्रधानमन्त्री नियुक्त भएलगत्तै देउवाले मन्त्रिपरिषद् बैठकमार्फत असोज मसान्तसम्म एकतिहाइ जनसंख्या र चैत्र मसान्तसम्म सबै नेपालीलाई कोरोनाविरुद्धको खोप लगाउने निर्णय गराएका थिए ।
दक्षिण एसियाका अन्य मुलुकमा जस्तै नेपालमा पनि पूर्ववर्ती सरकारले अपेक्षा गरेभन्दा पहिल्यै कोरोनाविरुद्ध खोपको शुरूआत गरेको थियो । तर, कोभिशिल्डको पहिलो डोज लगाएका १३ लाख जेष्ठ नागरिकले समयमै दोस्रो डोज खोप पाउन सकेका छैनन् । उनीहरूलाई जतिसक्दो छिटो खोपको प्रबन्ध गर्न सरकारले सबै प्रयत्न गर्न जरुरी छ ।
कोरोना महामारी नियन्त्रण नहुँदासम्म जसको नेतृत्वमा जुनसुकै सरकार भएपनि खोप नै यतिबेलाको प्राथमिकता बन्नुपर्छ । सबै नागरिकले खोप प्राप्त गरेपछि मात्र जनजीवन सामान्य अवस्थामा फर्किने छ । यस अर्थमा प्रधानमन्त्री देउवाले सरकारको प्राथमिकता सही निर्धारण गरेका छन् । केही महिनापछि स्थानीय तहको निर्वाचन गर्नुपर्ने संवैधानिक बाध्यता छ । त्यसअगावै सबै नेपालीले खोप पाए भने निर्वाचन गर्न सहज हुनेछ ।
यतिबेला कोरोना महामारीबाट बच्न आम मानिसहरू घण्टौंसम्म घामपानीमा भिजेर खोप लगाउने लाइनमा बसिरहेका छन् । खोप केन्द्रहरू व्यवस्थित र सुरक्षित छैनन् । सक्षम स्वास्थ्य मन्त्री नियुक्त गरेर पारदर्शी रूपमा खोप लगाउने कामलाई महत्त्वका साथ अगाडि बढाउन प्रधानमन्त्रीले थप पहल अवश्य गर्नेछन् ।
असहज अवस्थामा सरकारको नेतृत्व गर्न आइपुगेका देउवाका अगाडि अर्को एक प्रमुख चुनौती छ– कोरोनाले जर्जर बनाएको अर्थतन्त्रको पुनरुत्थान गर्नु । कोरोना महामारीका कारण थोरै लगानीमा सञ्चालित रोजगारमूलक व्यवसाय होउन् या ठूला उद्योग, सबै मारमा परेका छन् ।
प्रधानमन्त्रीको पाँचौं कार्यकाल शुरू गरेका देउवाको काँधमा सबै राजनीतिक दललाई विश्वासमा लिएर कोरोनाविरुद्धको लडाईं जित्दै देशलाई विकास र समृद्धिको मार्गमा लैजाने जिम्मेवारी छ ।
संयुक्त राष्ट्रसंघका महासचिव एन्टिनियो गोटरेसको भ्रमणका बेला नेपालको शान्ति प्रक्रिया फेरि एकपटक अन्तर्राष्ट्रिय समुदायमाझ चर्चाको विषय बनेको छ । नेपालको शान्ति प्रक्रियाको शुरूआती चरणमा राष्ट्र संघले सहजीक...
प्रतिनिधिसभाको पहिलो अधिवेशनमा नेता/सांसदको हाजिरी लोकान्तर डट्कमले सार्वजनिक गरिदिएपछि नेताहरूको जवाफदेहिताको बहस शुरू भएको छ । जनप्रतिनिधिको सर्वोच्च थलो संसद्मा ठूला भनिएका दलका शीर्ष न...
लामो समयको गृहकार्य र बहसपछि नेपाल आयल निगमले असार ३१ गते मध्यरातदेखि इन्धनको स्वचालित मूल्य प्रणाली कार्यान्वयनमा ल्याएको छ । स्वचालित प्रणाली कार्यान्वयनमा आएसँगै देशभर इन्धनको मूल्य घटेको छ । सर्वसाधार...
कार्यभार सम्हालेको एक वर्ष पुगेको अवसरमा प्रधानमन्त्री पुष्पकमल दाहाल ‘प्रचण्ड’ले मंगलबार राष्ट्रका नाममा सम्बोधन गर्दै कार्यशैली परिवर्तनको घोषणा गरेका छन् । ४५ मिनेट लामो सम्बोधनमा प्रचण्डले एक वर्षमा...
काठमाडौं जिल्ला अदालतको एक आदेशका कारण बाँसबारी छालाजुत्ता कारखानाको सरकारी जग्गा घोटाला प्रकरणको अनुसन्धान यत्तिकै रोकिने हो कि भन्ने चिन्ता बढेको छ । जग्गा हिनामिनाबारे नेपाल प्रहरीको केन्द्रीय अनुसन्धान ब्...
लोकान्तर सञ्चार प्रालिद्वारा सञ्चालित लोकान्तर डट्कम (Lokantar.com) स्थापनाको सात वर्ष पूरा गरेर आजदेखि आठौं वर्षमा प्रवेश गरेको छ । यस अवसरमा सबैभन्दा पहिला हामी हाम्रा समस्त पाठक, विज्ञापनदाता र शुभेच्छुकहरूप्...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...