१७ असार २०८३, बुधबार
काठमाडौं, २२ वैशाख — 'बाहुबली २' ले बक्स अफिसमा कमाइका सारा कीर्तिमान तोड्दै रिलिज भएको सात दिनमा आठ अर्ब ५० करोड भारु कमाएको छ । भारत र संसारभरि यति धेरै पैसा यसअघिका कुनै पनि भारतीय फिल्मले कमाएका थिएनन् ।
फिल्मको हिन्दी भर्जनले मात्र पनि दुई अर्ब ३० करोड भारु कमाइसकेको छ ।
अमेरिकामा पनि फिल्मले १२.९ मिलियन डलर कमाएर दंगलको कीर्तिमान भंग गरेको छ ।
दश अर्ब भारु कमाउने पहिलो भारतीय चलचित्र बन्ने क्रममा छ बाहुबली २ ।
यसअघि 'पीके'ले सात अर्ब ४३ करोड, 'दंगल'ले ७ अर्ब दुई करोड, 'बजरंगी भाइजान'ले ६ अर्ब ४ करोड अनि 'सुल्तान'ले पाँच अर्ब ८४ करोड भारु कमाएका थिए ।
एजेन्सी
