०५ साउन २०८३, मंगलबार
अमेरिकाको राष्ट्रपति निर्वाचनमा डेमोक्रेटिक उम्मेदवार जो बाइडनले न्यु ह्याम्पशायर राज्यको इलेक्टोरल भोट जितेका छन् ।
यो महत्त्वपूर्ण स्विङ स्टेट जित्नु बाइडनका लागि ठूलो उपलब्धि भएको छ । स्विङ स्टेट भनेको कहिले रिपब्लिकनलाई कहिले डेमोक्रेटलाई जिताउने राज्य हो ।
तर फ्लोरिडा, जर्जिया र नर्थ क्यारोलाइनामा तीव्र प्रतिस्पर्धा जारी छ र अहिले नै विजेताको प्रक्षेपण गर्न गाह्रो छ ।
डेमोक्रेटहरूले प्रचण्ड बहुमतका साथ चुनाव जित्ने आशा गरेको भए पनि त्यसको कुनै लक्षण देखिएको छैन । निर्वाचनको अन्तिम परिणाम आजै घोषणा हुने टुंगो समेत छैन ।
