३१ जेठ २०८३, आइतबार
फेशनको संसारमा नयाँ नयाँ परीक्षण गरिन्छन् तर कहिलेकाहीँ निकै विचित्रका डिजाइन चर्चित भइरहेका हुन्छन् ।
यस्तै विचित्र डिजाइन अमेरिकाको कोचेला फेशन फेस्टिभलमा देखियो । त्यहाँ मोडलहरू एउटा गोडामा पूरा जीन्स अनि अर्कोमा ह्वांगै भएर उपस्थित भए । त्यसपछि फेशनका पारखीहरूमाझ यस जीन्सको चर्चा चल्यो ।
यस्तो जीन्सको तस्वीर सामाजिक सञ्जालमा आएपछि मानिसहरूले यस्तो विचित्रको कपडा कसले पो लगाउला भनी टिप्पणी गरेका छन् ।
अमेरिकी अभिनेत्री रायन डेस्टिनीले इन्स्टाग्राम अकाउन्टमा हाफ जीन्स लगाएर तस्वीर राख्दा यस्तै किसिमका टिप्पणी आएका थिए ।
केहीलाई चाहिँ यो जीन्स मन परेर भइरहेको जीन्सलाई काटेर यस्तै बनाउने समेत बताइरहेका छन् ।
