०६ साउन २०८३, बुधबार
क्रियाशील सदस्यता विवादको विषयमा छलफल गर्न नपाली कांग्रेसको पदाधिकारी बैठक बिहीवार बस्दैछ ।
पार्टी केन्द्रीय कार्यालय सानेपामा दिउसो २ बजेका लागि बैठक बोलाइएको छ । पूर्व पदाधिकारी र सदस्यता छानविन समितिको सदस्यसहितको बैठक राखिएको एक नेताले जानकारी दिए ।
क्रियाशील सदस्य उपर परेको उजुरी उपर अन्तिम निर्णय गरी क्रियाशील सदस्यको नयाँ र नवीकरणको सूची असार २० गतेसम्म सभापतिलाई पेश गर्ने महाधिवेशन कार्यतालिका छ ।
केन्द्रीय सदस्य रमेश लेखक नेतृत्वको समितिले क्रियाशील सदस्यको सूचीको छानविन गरिरहेको छ ।
सूचीमा सभापतिले हस्ताक्षर गरी निर्वाचन समितिलाई बुझाउने अवधी असार ३० गतेसम्म तोकिएको छ ।
कांग्रेसको १४ औं महाधिवेशन भदौ १६ देखि १९ गतेसम्म हुँदैछ । महाधिवेशन मिति आउन २ महिना मात्र बाँकी रहेको समयमा कांग्रेसले क्रियाशील सदस्यताको विवाद टुंगाउन सकेको छैन ।
कांग्रेसको गाउँ नगर वडा अधिवेशन साउनको १२ गतेदेखि शुरु हुँदैछ ।
