म्यान्मारमा पोहोर साल सेनाले गरेको कूको विरोध गर्ने पाँच हजारभन्दा बढी मानिसलाई थुनामुक्त गरिने त्यहाँका सेनाप्रमुख मिन आङ ह्लाइङले बताएका छन् । 

अक्टोबर महिनाको अन्त्यतिर थादिनग्युत पर्वको अवसरमा ५ हजार ६ सय ३६ जना कैदीलाई मुक्त गरिने उनले सोमवार बताए । 

आसियानको बैठकमा मिनलाई सहभागी हुन नदिने भनिएको केही दिनपछि कैदीहरूलाई थुनाबाट मुक्त गरिने घोषणा भएको हो । म्यान्मारमा हिंस्रक संकट अन्त्य गर्न नसकेको भन्दै आसियानले मिनमाथि रोक लगाएको हो ।