१३ साउन २०८३, बुधबार
राष्ट्रिय स्वतन्त्र पार्टीले पनि प्रधानमन्त्री पुष्पकमल दाहाल 'प्रचण्ड' लाई दिएको समर्थन कायम राख्ने निर्णय गरेको छ ।
पार्टीको केन्द्रीय समिति र संसदीय दलको बैठकले प्रधानमन्त्री प्रचण्डलाई दिएको समर्थन कायम राख्ने निर्णय गरेको जानकारी नेता रमेश प्रसाईंले दिए ।
प्रसाईंका अनुसार रास्वपाले भोलि प्रधानमन्त्रीलाई विश्वासको मत दिने छ ।
तर सरकारमा सहभागी हुने वा नहुनेबारे भने पार्टीले कुनै निर्णय नलिएको जानकारी उनले दिए ।
रास्वपा यसअघि सरकारबाट फिर्ता भए पनि समर्थन फिर्ता लिएको थिएन ।
सरकारलाई समर्थन गरिरहन रास्वपाले दिएका कारण यस्ता छन्
नेता प्रसाईंका अनुसार रास्वपाले भोलि प्रधानमन्त्रीलाई विश्वासको मत दिनेछ ।
‘सरकारको सुविधा लिएर सरकारलाई दिएको समर्थन कायम राख्ने निर्णय रास्वपाले गरेको छ’, प्रसाईंले लोकान्तरसँग भने, ‘सरकारको मुद्दा, न्यूनतम साझा , भ्रष्टाचारको छानबिन, ई गभर्नेन्स, विदेशमा रहेकालाई मतदानको अधिकार जस्ता विषय हाम्रो बलमा सरकारका साझा कार्यक्रममा पारेका छौं । हामीले उठाएर यस अघिको कार्यक्रममा पारिएका यी मुद्दा सरकारको वार्षिक नीति तथा कार्यक्रममा आएनन् भने पुनर्विचार गनेर्छौँ । अन्यथा अहिले हामीले सरकारलाई समर्थन कायम गरेका छौं।’
