२५ जेठ २०८३, सोमबार
साउथ सुपरस्टार अल्लु अर्जुन अभिनित फिल्म ‘पुष्पा २: द रुल’ले रिलिज हुनुअघि नै बक्सअफिसमा नयाँ रेकर्ड बनाएको छ ।
फिल्मको अमेरिकामा भइरहेका अग्रिम बुकिङले अपेक्षाभन्दा धेरै अगाडि मात्र नभएर ‘आरआरआर’ र ‘जवान’जस्ता ठूला फिल्मलाई पनि पछाडि पारेको भारतीय सञ्चार माध्यमहरूले जनाएका छन् ।
फिल्म रिलिज हुन अझै १० दिन बाँकी छ तर यसको अग्रिम बुकिङको आँकडाले १४ मिलियन डलर नाघेको छ, जुन आफैंमा ठूलो रेकर्ड हो ।
'पुष्पा २' ले अहिलेसम्म अमेरिकाका ९०० स्थानमा ३४२० शोमा करिब ११ करोड रुपैयाँको अग्रिम बुकिङ गरेको छ । योसँगै फिल्मले करिब ५० हजार टिकट बिक्री गरिसकेको छ ।
‘पुष्पा २’ले छिट्टै शाहरुख खानको फिल्म पठानलाई पनि उछिन्ने विश्लेषकहरू बताउँछन् ।
‘पुष्पा २’ आगामी डिसेम्बर ५ मा रिलिज हुँदैछ ।
फिल्मको गीत र ट्रेलरले निकै चर्चा कमाएको छ ।
