कलंकीको अन्डरपास छिट्टै सञ्चालन हुने, अब कसरी चलाउने गाडी ? [भिडियो रिपोर्ट]

काठमाडौं, ३० जेठ –काठमाडौंको कलंकीमा बन्दै गरेको ‘अन्डर वे पास’ निर्माण कार्य अन्तिम चरणमा पुगेको छ । यसलाई केही सातामै सञ्चालनमा ल्याउने गरी काम भइरहेको छ । अहिले फिनिसिङको काम भइरहेको प्राविधिहरूले बताएका छन् ।

नेपालमा पहिलोपटक बनेको अण्डर पासमा गाडी कसरी चलाउने भन्ने धेरै सवारी चालकलाई जानकारी छैन । कलंकी क्षेत्रमा सवारी आवागमन व्यवस्थापनमा खटिएका ट्रफिक प्रहरी निरीक्षक तिलकबहादुर बडुले केही दिन चालहरूलाई जानकारी गराइने बताए ।

‘बल्खुबाट सीतापाइलातर्फ जाने गाडिहरू र स्वयम्भुबाट बल्खुतर्फ जाने अर्थात् चक्रपथ परिक्रमा गर्ने गाडिहरू अन्डर पास भएर जानुपर्ने हुन्छ । थानकोट तर्फबाट काठमाडौं उपत्यकामा भित्रिने गाडिहरू नयाँ बसपार्क तर्फ जनोहरु बाँया तर्फ जानुपर्ने हुन्छ’ उनले भने ।

त्यस्तै थानकोटबाट कालीमाटीतर्फ जाने गाडिहरू सिधा माथिबाट र बल्खुतर्फ जाने गाडिहरू बायाँ तर्फ जनुपर्नेछ । चिनियाँ कम्पनी ‘द थर्ड रेल्वे एण्ड डिजाइन इन्स्टिच्युट गु्रप कर्पोरेसन’को डिजाइन अनुसार कलंकीमा नेपालकै पहिलो अण्डरपास बनेको हो । यसको लम्बाई ०.८५ किलोमिटर छ ।

८ लेनको प्रमुख सडकमा साइकल ट्र्याक, फूटपाथ र सडकको दुवैपट्टी पब्लिक बस स्टप पनि रहनेछ । अन्डरपास निर्माणका लागि चिनियाँ कम्पनी सांघाइ कन्स्ट्रक्सनले चौबीसै घण्टा काम गरिरहेको छ ।

सांघाइले अन्डरपासको निर्माण सन् २०१८ को जुलाइअगावै सक्ने लक्ष्य लिएको छ । कुल ८ सय मिटर लामो अन्डरपास मध्ये अहिले बल्खुतिरको भागको काम दु्रत गतिमा अघि बढाइएको छ ।

कलंकी चोकदेखि बल्खुतिर ४ सय मिटर र सितापाइलातिर ४ सय मिटर गरी अन्डरपास कुल ८ सय मिटरको छ । यो अन्डर पास बनेपछि कलंकी क्षेत्रमा ट्राफिक जाम कम हुने विश्वास लिइएको छ ।

हेर्नुहोस् भिडियो :

तस्वीरहरू :