१५ असार २०८३, सोमबार
काभे्रपलाञ्चोक – काभ्रेपलाञ्चोक नमोबुद्ध नगरपालिका–२ डुडीगाउँका १ वृद्ध शुक्रवार बिहान मृतावस्थामा भेटिएका छन् ।
७६ वर्षका ज्ञानध्वज लामा आफ्नै कटेज बाहिर मृतावस्थामा फेलापरेको जिल्ला प्रहरी कार्यालय धुलिखेलका प्रहरी उपरीक्षक रविराज खड्काले बताए । उनका अनुसार लामा कटेजमा एक्लै बस्दै आएका थिए ।
‘ढुंगाले हानेर मारेको देखिएको छ,’ प्रहरी उपरीक्षक खड्काले भने, ‘हामी घटनाबारे थप अनुसन्धान गरिरहेका छौं ।’ लामालाई बिहान उनकै कटेज बाहिर मृतावस्थामा देखेपछि स्थानीयवासीले प्रहरीलाई खबर गरेको थियो ।
