०९ असार २०८३, मंगलबार
काठमाडाैं- आर्थिक अनियमितता गरेको आरोप लागेपछि मङ्गोलियाका एक जना मन्त्रीले राजीनामा दिएका छन्।
मङ्गोलियाको खाद्य, कृषि र उद्योगमन्त्री बाट्जार्गाल बाट्जोरिङले बुधबार राजीनामा दिएको अधिकारीहरुले जनाएका छन् ।
“मैले आफ्नो पदबाट राजीनामा दिएको छु, यसमा मलाई कुनै समस्या छैन,” उनले पत्रकारहरुलाई भने ।
सत्तारुढ दल मङ्गोलियन पिपुल्स पार्टी ग्रुपले नै संसदमा उनले राजीनामा दिनुपर्ने माग गरेको थियो ।
उनले न्यून व्याजदरमा राज्यको रकम वितरण गर्न लगाएको, राज्यकोषलाई हानी हुने काम गरेको विवरण केहीदिन अगाडि सार्वजनिक भएको थियो ।
