२६ जेठ २०८३, मंगलबार
भारतको असममा रहेको काकोइजाना जंगल नजिक एक पोथी लंगूरलाई करेन्ट लागेर मृत्यु भएपछि उसको सन्तानले जिउमा नाकले छोएको कारुणिक भिडियो सार्वजनिक भएको छ ।
सानो लंगूरले आफ्नी मृत आमालाई उठाउने कोशिश गरेको थियो । घटना बुधवार अपराह्न ३ बजे भएको हो ।
सानो लंगूरले आमाको टाउको समातेको र भेला भएका मानिसलाई देखेर डराएको भिडियोमा देखिन्छ ।
सन्तान आमा वरिपरि घुम्छ । पछि चाहिँ ऊ कता गयो थाहा हुँदैन ।
भिडियोको अन्तिमतिर सूर्यास्त भएपछि दुई पुरुषले मृत बाँदरलाई एउटा कपडामा बेरेका थिए ।
त्यसपछि उनीहरूले बाँदरलाई अन्त कतै लगेर उचित अन्तिम संस्कार गरेका थिए ।
सुनौला लंगूरहरूको अनुहार कालो हुन्छ र पुच्छर लामो हुन्छ ।
मौसम परिवर्तन भएसँगै बाँदरको भुवामा परिवर्तन आउँछ ।
अहिले संसारभरि जम्मा ६ हजार लंगूर रहेको अनुमान छ ।
