विदेशबाट फर्किएका २ जनालाई कोरोना भाइरसको संक्रमण हुनसक्ने आशंकामा अस्पतालको आइसोलेसन वार्डमा भर्ना गरिएको छ।

 चीन र दक्षिण कोरियाबाट फर्केका ती दुबै नेपालीलाई टेकुस्थित शहिद शुक्रराज ट्रपिकल तथा सरुवा रोग अस्पतालको आइसोलेसन वार्डमा राखिएको हो।

अस्पतालका प्रवक्ता डा अनुप बाँस्तोलाका अनुसार भर्ना भएकामध्ये एक जनालाई शनिबार र अर्कालाई आइतबार भर्ना गरिएको हो।  घरमै बस्दा ज्वरो आएपछि अस्पताल आएको जनाइएको छ।

 भर्ना गरिएकाहरुको नमुना संकलन गरेर ल्याबमा पठाइसकेको र  सोमबारसम्म रिपोर्ट आउने अस्पतालले जनाएको छ।