१५ असार २०८३, सोमबार
दोस्रो विश्वयुद्धताका नाजीहरूले चलाएको मृत्यु शिविरमा मानिसको छालाबाट बनाइएको फोटो एल्बम पोल्यान्डमा फेला परेको छ ।
थोत्रो भइसकेको उक्त एल्बम अस्विच मेमोरियल म्युजियमका कर्मचारीलाई दिइएको थियो । उक्त एल्बम किन्नेले एल्बमको खोलमा ट्याटू, मानव कपाल र खराब गन्ध याद गरेका थिए ।
म्युजियमका विज्ञहरूले एल्बमको खोलको विश्लेषण गरेका छन् र यो छाला शिविरमा मारिएका कुनै यहुदीको हुन सक्ने बताएका छन् । उक्त शिविर जर्मनीको बुकेनवाल्डमा थियो ।
यो मानवताविरुद्धको अपराधको अकाट्य प्रमाण भएको उनीहरूले थपे ।
हिटलरले सन् १९३७ मा सञ्चालनमा ल्याएको बुकेनवाल्ड शिविर मृत्युदण्ड, परीक्षण, पशुलाई राखेको जस्तो स्थिति र क्रूर गार्डहरूका लागि कुख्यात थियो ।
नाजी चिकित्सक एरिक वाग्नरले पीएचडीको थेसिसका लागि मानव छाला संकलन गरेका थिए ।
वाग्नरले जम्मा पारेका १०० वटा जति छालाले उपहार दिने कुरा बनाइएका थिए ।
विश्वयुद्ध सकिएपछि अमेरिकी सैनिकहरूले वाग्नरलाई पक्राउ गरेका थिए । पछि उनी भागे अनि जर्मनीमै लुकेर छद्म नाममा चिकित्सा गरिरहे । पछि सन् १९५८ मा उनी फेरि पक्राउ परे ।
त्यसको एक वर्षपछि उनले आत्महत्या गरे ।
बीबीसीबाट
