०१ असार २०८३, सोमबार
भारतको कलर्स टीभीबाट प्रसारण हुने ‘खतरों के खिलाडी’ शोको प्रमोसनका लागि इन्स्टाग्राममा राखिएको एउटा भिडियो भाइरल भइरहेको छ, जसमा प्रतिस्पर्धी अमृता खानविलकरको शरीरमा तातो मैनबत्तीको पग्लिएको तरल खसिरहेको छ भने अमृता चिच्याइरहेकी छन् ।
अमृताले शोमा शुरूदेखि नै राम्रो प्रस्तुती देखाइरहेकी छन् । अरु प्रतिस्पर्धीलाई कडा टक्कर दिइरहेकी अमृताको आगामी प्रस्तुती झन् दमदार हुने अनुमान प्रमोसनल भिडियोबाट दर्शकले लगाइरहेका छन् ।
पग्लिरहेको मैनबत्तीको तरल पदार्थलाई शरीरमा खसालेको ‘खेल’ धेरै कठीन हुने भिडियोमा उनले चिच्याइरहेको आवाजबाट समेत बुझ्न सकिन्छ । त्यो भिडियो हेर्ने सबै भावुक भइरहेका छन्, भिडियो सामाजिक सञ्जालमा भाइरल भएको छ ।
रोहित शेट्टी मैनबत्तीसँग सम्बन्धित प्रस्तुती लिएका आएका भिडियोमा देखाइएको छ, जसमा रोहितले अमृतालाई प्रस्तुतीबारे सम्झाउँछन् । अमृताले जमिनमा पल्टिनुपर्छ, त्यसपछि उनको शरीरमा तातो मैनबत्ती खस्छ । प्रस्तुती सकिँदासम्म अमृताले यसलाई धान्नुपर्नेछ । अमृता डराइडराई प्रस्तुतीका लागि तयार हुन्छिन् ।
अमृता प्रस्तुतीका लागि तयार भएपनि त्यो त्यति सहज थिएन । जब अमृताको शरीरमा मैनबत्तीको तातो तरल खस्छ, उनी चिच्याउन थाल्छिन् । उनी धेरै समय त्यसलाई सहन सक्दिनन् । डोरीमा बेरिएकी अमृताको अवस्था धेरै नाजुक बनेको भिडियोमा देख्न सकिन्छ ।
प्रमोसनल भिडियो हेर्दा आगामी शो एकदमै दर्दनाक हुने अनुमान गर्न थालिएको छ ।
यस्तो छ भिडियो –
