पाकिस्तानको उत्तरी भागा एक यात्रुवाहक बस पहाडको बाटोबाट गहिरो खोंचमा सोमवार खस्दा कम्तीमा १९ जनाको मृत्यु भएको छ भने ६ अन्य घाइते भएका छन् ।

बस रावलपिण्डीबाट स्कार्दु जाँदै गर्दा गिल्गिट नजिक रुओन्दूमा एक खोंचमा खसेको गिल्गिट बाल्टिस्तान सरकारका प्रवक्ता फैजुल्लाह फिराकले बताए । 

बसमा २५ यात्रु रहेको उनले जानकारी दिए । दुर्घटनाको कारण पत्ता नलागेको उनको भनाइ छ । 

प्रहरी र उद्धारकर्मीहरू घटनास्थलमा पुगेर घाइते र मृतकलाई अस्पताल लगिरहेका छन् । 

पाकिस्तानमा सडक दुर्घटना भइरहने गर्छ । खराब सडक र लापरवाहीपूर्ण हँकाइले दुर्घटना निम्तिने गरेको छ ।