टाटा मोटर्सका लागि नेपालको एक मात्र आधिकारिक बिक्रेता सिप्रदी ट्रेडिङले हरेक वर्ष गर्दै आएको कार मेला अन्तर्गत ‘टाटा मोर्टर्स कार्निभल’ विराटनगरस्थित टाटा शोरुममा बिक्रेता गोयल अटो प्रालिको सहकार्यमा फागुन २९ र ३० गते शुभारम्भ गरेको छ ।

‘टाटा मोर्टर्स कार्निभल’ कार मेला बिहान १० देखि साँझ ६ बजेसम्म विराटनगरस्थित टाटा शोरुममा हुँदैछ ।

मेलामा ग्राहकले एकै स्थानबाट विभिन्न गाडी किनबेचको सुविधा प्राप्त गर्न सक्नेछन् । मेलामा टाटा मोटर्स्का विभिन्न मोडलका गाडी एकै स्थानबाट खरिदका साथै ग्राहकले आफ्नो कुनै पनि पुरानो गाडी, नयाँ गाडीसँग साट्न सक्नेछन् ।

मेलामा तत्कालै फाइनान्सिङका साथै पुरानो गाडीको उत्कृष्ट मूल्याकंन र १ लाखसम्म एक्सचेन्ज बोनस जस्ता फाइदा ग्राहकले पाउने आयोजकले जनाएको छ ।