सरकारले कोरोना भाइरस रोकथाम तथा नियन्त्रणका लागि आवश्यक पर्ने स्वास्थ्य सामग्री खरिदका लागि २ वटा विकल्प तय गरेको छ।

कोरोना भाइरस रोकथाम तथा नियन्त्रण उच्चस्तरीय समन्वय समितिको आइतबारको बैठकले स्वास्थ्य सामग्री जीटुजी (सरकार-सरकारमार्फत) र निजी क्षेत्रबाट खुला प्रतिस्पर्धामार्फत् खरिद गर्ने निर्णय गरेको हो।

बैठकपछि प्रधानमन्त्री तथा मन्त्रिपरिषद् कार्यालयका सचिव नारायणप्रसाद विडारीले भने, ‘औषधि, उपकरण र स्वास्थ्य सामग्रीको खरिद जिटुजीबाट पनि खरिद गर्न सक्ने र प्रतिस्पर्धात्मक आधारमा पनि निजी क्षेत्रबाट खरिद गर्न सकिने दुबै विकल्पलाई सँगसँगै अगाडि बढाउने निर्णय भएको छ।’