मुस्ताङ, ९ वैशाख– मुस्ताङ जिल्लाको मुक्तिनाथ मन्दिर दर्शन गरेर सदरमुकाम जोमसोमतर्फ आउँदै गरेको तीर्थयात्री सवार नाम ५ ख ६०६७ नम्बरको बस मुस्ताङको कागवेनीमा दुर्घटनाग्रस्त हुँदा मृत्यु भएका पाँच जनामध्ये तीन जनाको पहिचान खुलेको छ ।
मृत्यु हुनेमा काठमाडौं कोटेश्वर बस्ने भोला अधिकारी, काठमाडौं बानेश्वरका पुरुषोत्तम ढकाल र भक्तपुरकी लीला खड्का छन् ।
दुर्घटनाम २० जना घाइते भएका छन् । घाइतेमध्ये १२ जनाको अवस्था गम्भीर छ । गम्भीर घाइतेलाई थप उपचारका लागि नेपाली सेनाको हेलिकप्टरबाट काठमाडौं ल्याउने तयारी भइरकेको छ ।
