१५ असार २०८३, सोमबार
चीनमा एक आमाले बच्चालाई घोप्टो परेर सुत्नका लागि कसरी तालिम दिने भनी अन्लाइन कोर्स गर्ने क्रममा तीन महिने शिशु सास थुनिएर मरेको छ ।
पहिलोपटक आमा बनेकी ती महिलाले अन्लाइनमा बच्चालाई घोप्टो पारेर सुताउँदा शान्त गर्न सकिने भनी दिएको सुझाव पालन गरिरहेकी थिइन् ।
बच्चा रोइरहेपछि उनले सीसीटीभी फूटेज शेयर गरेर तालिम दिने संस्थाको च्याट ग्रूपमा राखिन् । समूहका अन्य सदस्यले उनलाई बच्चा त्यत्तिकै छोड्न भने तर त्यसले गर्दा बच्चाको सास थुनियो ।
नाम नखुलाइएकी ती आमा दुई घन्टापछि कोठामा बच्चालाई खाना खुवाउन आउँदा मरेको देखेपछि स्तब्ध भएकी थिइन्, चिनियाँ सञ्चारमाध्यमले खबर दिए ।
शांघाईमा रहेको प्यारेन्टिङ संस्थाले बच्चाको मृत्यु सुत्ने पोजिसनको कारणले नभएको प्रतिक्रिया दिएको छ ।
तर उक्त शिशु स्याहार कम्पनी अनुुसन्धानको घेरामा रहेको र घटनापछि त्यो सञ्चालनमा नरहेको अधिकारीहरूले बताएका छन् ।
संस्थाको नाम एमी बेबीकेयर हो र त्यसले पैसा लिएर मातापितालाई अन्लाइन सल्लाह दिने गर्छ ।
शान्तोउ शहरकी ती आमाले आफ्नी छोरीलाई घोप्टो परेर सुत्ने तालिम दिँदै गर्दा सास थुनिएर शिशुको मृत्यु भयो । घटना अघिल्लो साताको बिहीवार भएको हो ।
