२५ जेठ २०८३, सोमबार
स्वास्थ्य तथा जनसंख्या मन्त्रालयले कोभिड १९ को थप नयाँ संक्रमित फेला परेको पुष्टि गरेको छ ।
मन्त्रालयका सह प्रवक्ता डाक्टर समीरकुमार अधिकारीले आइतवार साँझ एक विज्ञप्ति जारी गर्दै झापानिवासी ५० वर्षीय पुरुषमा कोरोना संक्रमण भेटिएको पुष्टि गरेका हुन् ।
कोशी अस्पताल विराटनगरमा पीसीआर विधिमार्फत परीक्षण गर्दा नयाँ संक्रमण भेटिएको हो ।
संक्रमित अस्पतालकै सम्पर्कमा रहेको उनले बताए ।
यससँगै देशभर कोभिड १९ का संक्रमितको संख्या ५२ पुगेको छ भने १६ जना निको भएर घर फर्किसकेका छन् ।
