भारतको इन्दोरमा शनिवार महंगो विलासी पोर्श कारमा घुम्ने एक धनाढ्यलाई लकडाउन तोडेको आरोपमा सडकमै कान समातेर उठबस गराइएको छ । 

घटनाको भिडियो सामाजिक सञ्जालमा भाइरल भइरहेको छ । त्यसमा युवक आफ्नो दुईसीटे विलासी कारमा घुम्दै गर्दा म्युनिसिपल सेक्युरिटी कमिटीका दुई सदस्य अचानक आइपुगेको र उनलाई रोकेको देखिन्छ । त्यसपछि नियम तोडेको सजायस्वरूप उनीहरूले ती युवकलाई उठबस गराए । 

ती युवकको नाम संस्कार दरयानी बताइएको छ । उनले कम्पनीबाट घर फर्किंदा घटना भएको बताए । 

इन्दोर प्रहरीलाई यस विषयमा कारवाही गर्न उनले आग्रह गरेका छन् । 

उनले भने, ‘कम्पनीबाट घर फर्किंदा मलाई बाटोमा रोकियो । मैले उनीहरूलाई पास देखाएँ तर तिनीहरूले मलाई गालीगलौज गरे र उठबस गर्न लगाए । मैले उनीहरूलाई सम्झाउन खोज्दा सुन्दै सुनेनन् । त्यसपछि मैले उनीहरूको आदेश मान्नुपर्‍यो । उनीहरूको घटनाको भिडियो खिचे, मेरो गिल्ला गरे र मलाई जान भने । इन्दोर प्रहरीले यसमा कारवाही चलाउनुपर्छ ।’

इन्दोरका एएसपीले अनावश्यक रूपमा बाहिर निस्कनेमाथि कारवाही गरिएको तर संस्कारले चाहिँ मास्क नलगाएको भएर उनलाई दण्ड दिइएको बताए । 
 

Look at this clown who is roaming around the city in his Porsche in Indore.#lockdownindia #Indorelockdown #Covid_19india pic.twitter.com/T6YYzsjDSp

— Heisenberg (@urgoddamnright_) April 25, 2020